महाराष्ट्रातील हिंगोली शहरात गाढविणीचे दूध विकले जात आहे. गाढविणीचे दूध प्यायल्याने शरीरात रोगप्रतिकारशक्ती (Immunity) वाढते आणि ते खूप शक्तिशाली असल्याचा दावा दूध विक्रेते करत आहेत. हिंगोलीत गाढविणीचे दूध (milk) घेण्यासाठी मोठ्या संख्येने लोक जमत आहेत. आणि गाढविणीचे दूध 10 हजार रुपये लिटरने विकत घेतले जात आहे.

हिंगोलीत गाढविणीचे दूध रस्त्यावर फिरून विकले जात असून चमचाभर दूध प्या आणि सर्व प्रकारच्या आजारांपासून मुक्ती मिळवा असा दावा विक्रेते करत आहेत. हे दूध पिण्याचे अनेक फायदे असल्याचे सांगत आहेत. मुलांना न्यूमोनिया होत नाही. याशिवाय ताप, खोकला, कफ यासारख्या आजारांविरुद्ध लढण्यासाठी रोगप्रतिकारशक्ती वाढवण्याचे काम गाढविणीचे दूध करत आहे. असा दावा दूध विक्रेते करताना दिसत आहेत.

गाढविणीचे दूध प्यायल्याने अनेक आजार बरे होतात. हे अनेक आजारांवर गुणकारी आहे. एक चमचा दुधाची किंमत 100 रुपये असून एक लिटर दूध 10 हजार रुपयांना विकले जाते. तसेच गाढविणीच्या दुधात त्वचा आणि शरीर दोन्हीसाठी पोषक घटक असतात. हे दूध बाळाच्या जन्मानंतर तीन दिवस रोज पाजल्यास आयुष्यभर फायदा होतो. अस ही मत हे दूध विक्रेते करत आहेत.