crocodile rescue : माणगाव इंदापूर येथे रस्त्यावर आलेल्या मगरीला रेस्क्यू करण्यात यश आले आहे. ही घटना शुक्रवारी रात्री 8.30 च्या सुमारास मुंबई गोवा महामार्गावरील माणगाव इंदापूर मार्गावर खरवली फाट्याजवळ घडली. माणगाव वन विभाग व सह्याद्री वन्यजीव रक्षणात सामाजिक संस्था कोलाड यांनी मगरीला रेस्क्यू केले.

याबाबत अधिक माहिती अशी की, दुचाकीने माणगावहून कोलाडच्या दिशेने मुंबई गोवा महामार्गावरून येत असताना प्रसाद महाडिक यांना खरवली फाट्याजवळ एक मगर रत्स्यावर आल्याचे दिसून आले. याबाबतची माहिती त्यांनी सह्याद्री वन्यजीव रक्षणात सामाजिक संस्था कोलाड (SVRSS) यांना दिली.

घटनेची माहिती मिळताच संस्थेची रेस्कू टीम घटनास्थळी पोहचले. 3 फूट इतक्या लांबीच्या मगरीला संस्थेच्या सदस्यांनी व माणगाव वन विभागाच्या जवानांनी मगरीला सुखरूपरीत्या रेस्क्यू केले.

त्यानंतर वनविभागाच्या मार्गदर्शनाखाली माणगाव परिसरातील काळ नदीमध्ये मगराला नैसर्गिक अधिवासात सोडण्यात आले. या मोहीमेत वनविभागासह रेस्क्यू टीमचे सदस्य सागर दहिंबेकर, श्वेता विश्वकर्मा, सुरज दहिंबेकर अजय राजीवले व प्रणय सागवेकर यांनी सहभाग घेतला.