मुंबई : 20 जून रोजी होणाऱ्या विधान परिषदेच्या निवडणुकीत कोण बाजी मारणार याकडे सर्वांचे लक्ष लागले आहे. आपले आमदार फुटू नयेत म्हणून शिवसेना, राष्ट्रवादी आणि काँग्रेस सतर्क आहे.

मिळालेल्या माहितीनुसार, राष्ट्रवादीचे उमेदवार एकनाथ खडसे भाजपच्या टार्गेटवर असल्याचे म्हटले जात आहे. भाजप आपले सर्व उमेदवार निवडून आणण्याच्या प्रयत्नात आहे. याचा फटका महाविकास आघाडीला बसण्याची शक्यता आहे.

राज्यसभेच्या निवडणुकीत आघाडीच्या उमेदवारांना छोटे पक्ष आणि अपक्ष अशा 12 आमदारांची मते मिळाली होती. मात्र, ही 12 मते पुन्हा महाविकास आघाडीला मिळतील याची आता खात्री नाही. यावेळेस भाजप काय खेळी करतो, याकडे सर्वांचे लक्ष लागून आहे.