मुंबईतील (Mumbai) नागपाडा भागात महाराष्ट्र दहशतवादीविरोधी पथकाने (ATS) केलेल्या कारवाईत दोन जणांना अटक करण्यात आली आहे. दहशतवादीविरोधी पथकाने (Anti Terrorism Squad) केलेल्या या कारवाईत पोलिसांनी या दोघांकडून सात किलो युरेनियम जप्त केले आहे. विशेष म्हणजे पोलिसांनी जप्त केलेल्या या युरेनियमची किंमत आंतरराष्ट्रीय बाजारात तब्बल 21 कोटी रुपये एवढी असल्याचे समजते आहे. (ATS has arrested two persons from Mumbai with 7 kg of uranium)

आदर पुनावालांना 'झेड प्लस' सुरक्षेची मुंबईच्या वकिलाने केली मागणी

नैसर्गिक स्वरूपात स्वरूपातील 7,100 ग्रॅम  युरेनियमपोलिसांनी जप्त केले असल्याची समोर आली आहे. आंतरराष्ट्रीय बाजारात या युरेनियमची किंमत जवळपास 21 कोटी रुपयांच्या वर असल्याचे समजते आहे. युरेनियम हा किरणोत्सर्ग निर्माण करणारा धातू असून या धातूचा उपयोग अनवस्त्रे बनवण्यासाठी होत असतो. 

या कारवाई मध्ये पोलिसांनी पकडलेले हे दोघे युरेनियमसाठी ग्राहकाच्या शोधात असल्याची माहिती पोलिसांना मिळाली होती. या मिळालेल्या माहिती नुसार पोलिसांनी या दोघांना सिनेस्टाईल ट्रॅप लावून अटक केली. दरम्यान, या दोघांकडे एवढ्या मोठ्या प्रमाणात युरेनियम कुठून आला याचा पोलीस तपास करत आहेत.