Kolhapur : कोल्हापूरच्या करवीर तालुक्यात वडणगे येथून एक ह्रदयद्रावक घटना समोर आली आहे. धक्कादायक म्हणजे या घटनेत  9 महिन्यांच्या चिमुकल्याचा दुर्देवी मृत्यू झाला आहे. चिमुकल्याचा दुर्देवी निधनामुळे परिसरात हळहळ व्यक्त केली जात आहे.

कोल्हापुरातील जुना वाशीनाका येथे यमनगर कुटुंब राहत होते. या कुटुंबातील सुप्रिया यमगर या आपला नऊ महिन्याचा मुलाला घेऊन आपल्या आजीकडे आल्या होत्या. त्या मुलाचे नाव कृष्णराज यमनगर ( वय 9 महिने ) असे होते. तर आजी करवीर तालुक्यातील वडणगे येथे राहत होती.

मृत कृष्णराज हा सायंकाळी घरात वॉकर मध्ये बसून खेळत होता. वॉकर घेवून खेळताना तोल जाऊन तो गव्हाच्या पिठाच्या बुट्टीत तोल जाऊन पडला आणि रडू लागला. त्याच्या नाकातोंडात पीठ गेल्याने त्यामुळे त्याच्या श्वास गुदमरू लागला.

श्वासनलिकेत पीठ गेल्याने त्याला श्वास घेण्यास त्रास होऊ लागला. दरम्यान, आजीने त्याला तात्काळ खासगी रुग्णालयात नेले. मात्र त्याचा यावेळी उपचारादरम्यान मृत्यू झाला.