गणपती उत्सवासाठी मोठ्या प्रमाणात नागरिक कोकणात जातात. यावेळी गर्दी होऊ नये म्हणुन, रेल्वे प्रशासना एकूण 150 गणपती स्पेशल गाड्या सोडणार असल्याचे समजते आहे. पहिल्यांदा 72 त्यानंतर या गाड्या वाढवुन 40 फेऱ्या आणि आता 34 फेऱ्यांपर्यंत ही संख्या वाढवण्यात येत आहेत, अशी माहिती केंद्रीय रेल्वे राज्यमंत्री रावसाहेब पाटील दानवे यांच्याकडून जाहीर करण्यात आली आहे. (150 Extra trains for konkan during ganesh utsav shk99)

एकीकडे देशावर कोरोनाचे सावट असताना दुसऱ्या बाजुने कोकणावर समुद्री संकट तसेच पावसाने देखील थैमान घातले आहे. मात्र अशा परिस्थितीमध्ये देखील कोकणी माणुस आपले उत्सव आणि परंपरां विसरत नाही. आजपर्यंत कित्येक नैसर्गिक संकटं आली तरी देखील कोकणकर सगळे उत्सव साजरे करत आले आहेत. सगळ्या महाराष्ट्रात आनंदाने साजरा केला जाणारा गणेशोत्सव यंदा शांततेत साजरा करण्यात येणार असा तरी देखील अनेक जण कोकणाकडे जाण्याची शक्यता आहे. याच पार्श्वभुमीवर कोकणात जाण्यासाठी भारतीय रेल्वेकडून एकून 150 फेऱ्या वाढवण्यात येणार आहेत.

150 पैकी 72 फेऱ्या रेल्वेकडून आधीच जाहीर केरण्यात आल्या होत्या, त्यानंतर आता मध्य रेल्वेने जाहीर केलेल्या 72 फेऱ्यांमध्ये 40 फेऱ्या वाढवल्या आणि सध्य परिस्थिती पाहून पश्चिम रेल्वेने आत्ता 38 फेऱ्या भारतीय रेल्वेच्या वाढवल्या असून, आता एकून 150 गणपती स्पेशल गाड्या सोडल्या जाणार आहेत. तसेच कोकणात जाणाऱ्या प्रवाशांची काळजी देखील केंद्र सरकार घेईल असे केंद्रीय रेल्वे मंत्री रावसाहेब दानवे यांनी सांगितले आहे.