हडफडे नाईट क्लब आग दुर्घटनेतील मुख्य आरोपी असलेल्या लुथराबंधूंनाआज गोव्यात आणण्यात आले आहे. मोपा विमानतळावर उतरल्यानंतर पोलिसांनी त्यांना तातडीने पुढील कायदेशीर प्रक्रियेसाठी ताब्यात घेतले. नियमानुसार, पोलिसांनी या दोघांनाही सुरुवातीला शिवोली प्राथमिक आरोग्य केंद्रात नियमित वैद्यकीय तपासणीसाठी नेले. ही वैद्यकीय प्रक्रिया पूर्ण झाल्यानंतर, पोलीस त्यांना अधिक तपासासाठी हणजूण पोलीस स्टेशनमध्ये घेऊन गेले आहेत. या दोघांच्या अटकेमुळे आता या प्रकरणातील अनेक गुपिते उघड होण्याची शक्यता आहे.

बर्च बाय रोमिओ लेनचे मालक सौरभ आणि गौरव लुथरा गोव्यात दाखल झाले आहेत. आज त्यांना दिल्लीतून त्यांना गोव्यात आणण्यात आले. यावेळी विमानतळ आणि पोलिस स्थानकात कडक पोलिस बंदोबस्त तैनात करण्यात आला आहे.

वाझ कुटुंबातील तीन सदस्यांना सत्र न्यायालयाकडून अंतरिम जामीन मंजूर, २००६ सालच्या जमीन घोटाळा प्रकरणात ईडी याचा तपास करत आहे. जामीनासाठी वाझ कुटुंबीयांना एक लाख रुपयांचा बॉन्ड सादर करावा लागणार आहे.

थायलंडमधून दिल्लीत दाखल झालेल्या बर्च बाय रोमिओ लेनचे मालक लुथरा बंधुंना गोवा पोलिसांनी अटक केली असून, आज (१७ डिसेंबर) त्यांना घेऊन गोवा पोलिस दिल्लीतून निघाले आहेत. सकाळी अकारा वाजेपर्यंत सौरभ आणि गौरव या लुथरा बंधुंना घेऊन पोलिस राज्यात दाखल होतील. हडफडे येथील बर्च बाय रोमिओ लेनमध्ये लागलेल्या आगीत २५ जणांचा मृत्यू झाला होता.