सांगे नगर नियोजन कक्षेखाली येणाऱ्या रिवण या गावात सर्व्हे क्रमांक १२१/० खाली नोंद झालेल्या जागेत बेकायदेशीर डोंगरकापणी केल्याची तक्रार केपे पोलिसांत दिली आहे. याप्रकरणी नगर आणि गाव नियोजन खात्याच्या अधिकारी वृंदा फळदेसाई यांनी तक्रार दिली असून ही डोंगरकापणी २२ ऑगस्ट २०२४ पूर्वी झाल्याचे म्हटले आहे. याप्रकरणी पोलिसांनी अज्ञात व्यक्तीविरोधात गुन्हा दाखल केला आहे. उपनिरीक्षक दिगंबर बोंद्रे याप्रकरणी तपास करीत आहेत.

नावेलीममधील मंडप मोडी येथून १४ आणि ११ वर्षांच्या दोन मुलांचे अपहरण झाल्याची माहिती आहे. मडगाव पोलिसांनी गुन्हा दाखल केला आहे आणि सीसीटीव्ही फुटेज आणि तांत्रिक माहितीचा वापर करून तातडीने शोध सुरू केला आहे.