14 वर्षीय विद्यार्थिनीचा विनयभंग केल्याप्रकरणी शिक्षकाविरोधात डिचोली पोलिस स्थानकात गुन्हा नोंद. शिक्षकाला नोटीस जारी.

मये मतदारसंघाला दरवेळी गृहीत धरले जाते. आमदारांनी पत्रकार परिषदेत दिलेलं आश्वासन लेखी स्वरुपात गावकऱ्यांना द्यावे. आंतरराष्ट्रीय क्रिकेट स्टेडियम सारख्या चांगल्या प्रकल्पांना गावकरी विरोध करणार नाही पण कचरा प्रकल्प नको. मुख्यमंत्र्यांनी 2027 पर्यंत कुडचिरे गावात 2 चांगले प्रकल्प आणून दाखवावेत- गोवा फॉरवर्ड उत्तर गोवा सचिव संतोषकुमार सावंत

गोवा प्रदेश महिला कॉंग्रेस सदस्य नोंदणीसाठी कॉंग्रेसच्या फायरब्रांड नेत्या मनिषा उसगावकर यांनी उत्तम कामगिरी केल्याबद्दल अखिल भारतीय महिला कॉंग्रेस अध्यक्ष अलका लांबा यांच्याकडून सन्मान.

25 ऑक्टोबर रोजी उमेदवारी अर्ज भरण्यापूर्वी गोव्याचे आरोग्यमंत्री विश्वजित राणे यांनी महाराष्ट्राचे उपमुख्यमंत्री देवेंद्र फडणवीस यांची भेट घेतली. तसेच, राज्याच्या विकासावर चर्चा केली.

उसगांव तिस्क गावकर वाडा येथे ओमनी गाडीचा भीषण अपघात. चालक जखमी. अग्नीशामक दल व पोलिस घटनास्थळी दाखल.

गोवा हे पर्यटन राज्य असल्याने आपल्याला लैंगिक तस्करीपासून सावध राहण्याची गरज आहे. गोव्यात कोणतेही लैंगिक तस्कर लपून बसणार नाहीत याची खात्री सरकार करेल: मुख्यमंत्री डॉ. प्रमोद सावंत

लैंगिक तस्करीतून सुटका झालेल्या इतर राज्यातील व्यक्तींना त्यांच्याच राज्यात रोजगार मिळावा. मी मुख्यमंत्र्यांना विनंती करते की, त्यांनी संबंधित राज्याच्या मुख्यमंत्र्यांना हा प्रस्ताव सादर करावा: आमदार दिलायला लोबोंचे प्रतिपादन.

गोवा-चोर्ला मार्गावर पर्ये येथे अवजड मालवाहू ट्रक कलंडला. सुदैवाने जीवीतहानी टळली. सदर ट्रक बेळगावहून गोव्यात येत होता.

लोकभावनेचा आदर राखून कुडचिरेतील प्रस्तावीत प्रकल्प रद्द करण्याचे मुख्यमंत्र्यांनी आश्वासन दिले आणि पंचायत मंडळ तसेच नागरिकांच्या उपस्थितीत बुधवारी (दि. २३ ऑक्टोबर) रोजी आमदार प्रेमेंद्र शेट यांनी सदर माहिती दिली.

मडगाव येथे घडलेल्या धक्कादायक घटनेत, सशस्त्र व्यक्तींनी एका नागरिकाला बंदुकीचा धाक दाखवून तो आपल्या मुलाला शाळेत सोडून परतत असताना धमकावले. पोलीस तातडीने घटनास्थळी दाखल झाले असून, तपास सुरू आहे.

कुख्यात ‘बंटी-बबली’ जोडप्याविरोधात कारवाई करताना वाळपई पोलिसांनी त्‍यांच्‍याकडून ४४ लाख रुपयांचे सोने जप्त केले आहे. विदिशा आणि विजयनाथ गावडे अशी त्‍यांची नावे आहेत. हे जोडपे डिचोली आणि दोडामार्ग येथे मालमत्ता खरेदीसाठी बनावट कागदपत्रांचा वापर करून गुंतवणूकदारांना फसवत होते. त्‍यांच्‍याकडून सोने घेत होते. चेक किंवा प्रतिज्ञापत्राद्वारे ते विश्‍‍वास संपादन करायचे व नंतर मालमत्ता सोडाच, पैसेही देत नसत.