World Cup 2023: वनडे वर्ल्ड कप 2023 या वर्षी 5 ऑक्टोबरपासून भारतात सुरु होणार आहे. तर अंतिम सामना 19 नोव्हेंबरला खेळवला जाईल. यातच आता, वर्ल्ड कपपूर्वी एक मोठी अपडेट समोर आली आहे.
29 सप्टेंबर रोजी होणारा पाकिस्तान विरुद्ध न्यूझीलंड यांच्यातील सराव सामना प्रेक्षकांविना खेळवला जाईल. बीसीसीआयने अचानक ही धक्कादायक अपडेट दिली आहे.
हैदराबाद पोलिसांनी 29 सप्टेंबर रोजी होणाऱ्या या सराव सामन्यासाठी हैदराबाद क्रिकेट असोसिएशनला (HCA) पुरेशी सुरक्षा पुरवण्यास असमर्थता व्यक्त केली आहे.
या सामन्यापूर्वी हैदराबादमध्ये (Hyderabad) गणेश विसर्जन आणि मिलाद-उन-नबी आहे. 29 सप्टेंबर रोजी गणेश विसर्जन आणि मिलन उन नबीमुळे प्रेक्षकांना स्टेडियममध्ये प्रवेश दिला जाणार नाही.
आयसीसी क्रिकेट वर्ल्ड कप 5 ऑक्टोबर 2023 ते 19 नोव्हेंबर 2023 या कालावधीत भारतात आयोजित केला जाईल. या स्पर्धेत 10 संघ सहभागी होणार आहेत. एकूण 48 सामने खेळवले जाणार आहेत.
आतापर्यंत 12 आवृत्त्यांमध्ये ऑस्ट्रेलियाच्या संघाने सर्वाधिक 5 वेळा वर्ल्ड कप जिंकला आहे. याशिवाय, भारत आणि वेस्ट इंडिजने प्रत्येकी दोनदा आणि श्रीलंका, पाकिस्तान आणि इंग्लंडने प्रत्येकी एकदा विजेतेपद पटकावले आहे.
2023 क्रिकेट वर्ल्ड कप स्पर्धेचा उद्घाटन सामना गतविजेता इंग्लंड आणि न्यूझीलंड यांच्यात 5 ऑक्टोबर 2023 रोजी अहमदाबाद येथील नरेंद्र मोदी स्टेडियमवर खेळवला जाईल.
भारताच्या (India) वतीने आयोजित करण्यात येणाऱ्या या हायप्रोफाईल क्रिकेट स्पर्धेच्या सामन्यांच्या वेळा सकाळी 10:30 आणि दुपारी 2.00 या ठेवण्यात आल्या आहेत.
आयसीसी क्रिकेट वर्ल्ड कप 2023 ची सुरुवात अहमदाबादमधून होणार आहे. वर्ल्ड कप 2023 चे सामने भारतातील 10 शहरांमधील 10 मैदानांवर खेळवले जातील. या शहरांमध्ये अहमदाबाद, बंगळुरु, चेन्नई, नवी दिल्ली, धरमशाला, हैदराबाद, कोलकाता, लखनऊ, मुंबई, पुणे यांचा समावेश आहे.
भारत विरुद्ध ऑस्ट्रेलिया, 8 ऑक्टोबर, चेन्नई
भारत विरुद्ध अफगाणिस्तान, 11 ऑक्टोबर, दिल्ली
भारत विरुद्ध पाकिस्तान, 14 ऑक्टोबर, अहमदाबाद
भारत विरुद्ध बांगलादेश, 19 ऑक्टोबर, पुणे
भारत विरुद्ध न्यूझीलंड, 22 ऑक्टोबर, धरमशाला
भारत विरुद्ध इंग्लंड, 29 ऑक्टोबर, लखनऊ
भारत विरुद्ध श्रीलंका, 2 नोव्हेंबर, मुंबई
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.