Smriti Mandhana Dainik Gomantak
क्रीडा

Women's T20 World Cup: टीम इंडियाला मोठा धक्का! पाकिस्तानविरुद्ध खेळणार नाही स्मृती मानधना?

महिला टी20 वर्ल्डकपमधील पाकिस्तानविरुद्धच्या पहिल्या सामन्यापूर्वी भारतीय संघाची चिंता वाढली आहे.

Pranali Kodre

Smriti Mandhana: दक्षिण आफ्रिकेत महिला टी20 वर्ल्डकप 10 फेब्रुवारीपासून सुरु झाला आहे. या स्पर्धेत भारतीय महिला संघाचा पहिला सामना 12 फेब्रुवारीला पाकिस्तान महिला संघाविरुद्ध होणार आहे. मात्र त्याआधी भारतीय संघाला मोठा बसण्याची शक्यता आहे.

भारताची स्टार फलंदाज स्मृती मानधना पाकिस्ताविरुद्धच्या पहिल्या सामन्याला मुकण्याची शक्यता आहे. सोमवारी (6 फेब्रुवारी) ऑस्ट्रेलियन महिला संघाविरुद्ध सराव सामना खेळताना तिच्या हाताच्या बोटाला दुखापत झाली होती.

या दुखापतीतून ती अद्याप सावरली नसल्याचे समजत आहे. या दुखापतीमुळे तिला बुधवारी (8 फेब्रुवारी) झालेल्या बांगलादेश महिला संघाविरुद्धच्या दुसऱ्या सराव सामन्यातही खेळता आले नव्हते.

पीटीआयने दिलेल्या वृत्तानुसार आयसीसीच्या सुत्रांनी माहिती दिली आहे की 'तिला सराव सामन्यात दुखापत झाली आहे. आपण अद्याप असे म्हणू शकत नाही की ती वर्ल्डकपमधून बाहेर गेली आहे, पण ती पाकिस्तानविरुद्धचा सामना मुकण्याची शक्यता आहे.'

मानधना ऑस्ट्रेलियाविरुद्ध सराव सामन्यात तिसऱ्या क्रमांकावर खेळायला आली होती. पण तीन चेंडू खेळल्यानंतर ती शुन्यावरच बाद झाली होती. दरम्यान, भारताला कर्णधार हरमनप्रीत कौरच्या तंदुरुस्तीचीही चिता असेल. कारण तिलाही या वर्ल्डकपपूर्वी खेळलेल्या तिरंगी टी२० मालिकेच्या अंतिम सामन्यात खांद्याची दुखापत झाली होती.

भारतीय संघाचा दुसऱ्या गटात समावेश

यंदाचे महिला टी20 वर्ल्डकपचे हे आठवे पर्व आहे. या स्पर्धेत 10 संघ सहभागी होणार असून त्यांची साखळी फेरीसाठी दोन गटात विभागणी करण्यात आली आहे. भारतीय संघाचा दुसऱ्या गटात समावेश आहे.

दुसऱ्या गटात भारतासह इंग्लंड, आयर्लंड, पाकिस्तान आणि वेस्ट इंडिज या संघांचा समावेश आहे. तसेच पहिल्या गटात ऑस्ट्रेलिया, बांगलादेश, न्यूझीलंड, दक्षिण आफ्रिका आणि श्रीलंका या संघांचा समावेश आहे. त्यामुळे भारताला साखळी फेरीत पाकिस्ताननंतर वेस्ट इंडिज, इंग्लंड, आणि आर्यंलडविरुद्ध सामने होणार आहेत.

साखळी फेरीनंतर दोन्ही गटातून अव्वल दोन संघ उपांत्य फेरीसाठी पात्र ठरणार आहेत. या स्पर्धेचा अंतिम सामना 26 फेब्रुवारीला केपटाऊनमध्ये रंगणार आहे.

टी20 महिला वर्ल्डकप 2023 मधील भारतीय संघाचे वेळापत्रक

12 फेब्रुवारी - भारत विरुद्ध पाकिस्तान - केपटाऊन, वेळ - संध्या 6.30 वा.

15 फेब्रुवारी - भारत विरुद्ध वेस्ट इंडिज - केपटाऊन, वेळ - संध्या 6.30 वा.

18 फेब्रुवारी - भारत विरुद्ध इंग्लंड - गाकेबेरा, वेळ - संध्या 6.30 वा.

20 फेब्रुवारी - भारत विरुद्ध आयर्लंड - गाकेबेरा, वेळ - संध्या 6.30 वा.

उपांत्य आणि अंतिम फेरी -

23 फेब्रुवारी - पहिला उपांत्य सामना - केपटाऊन, वेळ - संध्या 6.30 वा.

24 फेब्रुवारी - दुसरा उपांत्य सामना - केपटाऊन, वेळ - संध्या 6.30 वा.

26 फेब्रुवारी - अंतिम सामना - केपटाऊन, वेळ - संध्या 6.30 वा.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

SCROLL FOR NEXT