रविवारी रात्री मुंबईतील वानखेडे स्टेडियमवर खेळल्या गेलेल्या आयपीएल 2022 च्या 20 व्या सामन्यात राजस्थान रॉयल्सने लखनौ सुपर जायंट्सचा तीन धावांनी पराभव केला. राजस्थानच्या या रोमहर्षक विजयात एका खेळाडूचे योगदान आहे ज्याचे नाव तुम्ही यापूर्वी ऐकले नसेल. होय, आम्ही बोलतोय तो वेगवान गोलंदाज कुलदीप सेन ज्याने सामन्यात शेवटचे षटक टाकले. लखनौला शेवटच्या षटकात विजयासाठी 15 धावांची गरज होती आणि राजस्थानचा कर्णधार संजू सॅमसनने कुलदीप सेनकडे चेंडू फेकून सर्वांना आश्चर्यचकित केले. कुलदीपचा हा आयपीएलमधील पदार्पण सामना होता आणि अशा स्थितीत तो नर्व्हस असणार हे नक्की.

सॅमसनने कुलदीपला शेवटचे षटक टाकणे देखील आश्चर्यकारक होते कारण क्रीजवर मार्कस स्टॉइनिससारखा फलंदाज होता, त्याने आधीच 12 चेंडूत 28 धावा केल्या होत्या. आणि 19व्या षटकात 19 धावा केल्या. कुलदीपने यापूर्वी तीन षटके टाकली होती आणि दीपक हुडाला गोलंदाजी करून पॅव्हेलियनचा रस्ता दाखवला होता. मात्र, कर्णधार आणि संघ व्यवस्थापनाने कुलदीपवर टाकलेला विश्वास खरा ठरला. कुलदीप सेनने शेवटच्या षटकात वाईड यॉर्करसह तीन चेंडू टाकून लखनौला विजयापासून दूर नेले. त्याने सामन्यात चार षटकात 35 धावा देत एक विकेट घेतली.

यावेळी राजस्थानने (Rajasthan) कुलदीपला आयपीएल (IPL) लिलावात अवघ्या 20 लाख रुपयांना खरेदी केले होते. तेव्हा या मोसमात कुलदीप संघाचा विजयी हिरो बनेल, अशी कोणालाच अपेक्षा नव्हती. मध्य प्रदेशातील रीवा जिल्ह्यातील कुलदीपला 18 टी-20 सामने खेळण्याचा अनुभव आहे. याशिवाय त्याने 16 प्रथम श्रेणी सामने आणि तीन लिस्ट ए सामनेही खेळले आहेत. सय्यद मुश्ताक अली ट्रॉफीमध्येही त्याने आपली प्रतिभा सिद्ध केली आहे. राजस्थानचा कर्णधार संजू सॅमसननेही सामन्यानंतर सांगितले की, मी कुलदीप सेनला सय्यद मुश्ताक अली ट्रॉफीमध्ये खेळताना पाहिलं होतं आणि त्याच्या खेळाची चांगली जाणीव आहे.

त्याचे वडील रामपाल सेन शहरात सलूनचे दुकान चालवतात. कुलदीप सेनने वयाच्या आठव्या वर्षी क्रिकेट (Cricket) खेळायला सुरुवात केली. सय्यद मुश्ताक अली ट्रॉफीमधील पदार्पणाच्या मोसमात त्याने पंजाबविरुद्ध एका डावात 5 विकेट्स घेतल्या आणि 25 विकेट्स घेऊन सामना संपवला. कुलदीप सेनच्या नावावर 16 प्रथम श्रेणी सामन्यांमध्ये 44 विकेट आणि 18 टी-20 सामन्यात 12 विकेट आहेत.