Ravindra Jadeja | Cameron Green Dainik Gomantak
क्रीडा

WTC 2023 Final: जड्डूनं केला गेम! ग्रीनचा झाला कॉमेडी सीन...Video पाहून तुम्हीही...

कसोटी चॅम्पियनशीप फायनलमध्ये दुसऱ्या डावात जडेजाने ग्रीनला फिरकीच्या जाळ्यात अडकवत गमतीशीर पद्धतीने बाद केले.

Pranali Kodre

Ravindra Jadeja clean Bowled Cameron Green: भारत विरुद्ध ऑस्ट्रेलिया संघात कसोटी चॅम्पियनशीप 2021-23 स्पर्धेचा अंतिम सामना इंग्लंडच्या द ओव्हल मैदानावर खेळवला जात आहे. या सामन्यात ऑस्ट्रेलियाचा दुसरा डाव सुरू झाला आहे. दरम्यान, या डावात रविंद्र जडेजाने कॅमेरॉन ग्रीनला अप्रतिमरित्या फिरकीच्या जाळ्यात अडकवं. त्याने घेतलेल्या या विकेटचा व्हिडिओही सध्या व्हायरल होत आहे.

या सामन्यात चौथ्या दिवशी ऑस्ट्रेलियाने दुसऱ्या डावात 44 षटकांपासून 4 बाद 123 धावांपासून पुढे खेळायला सुरुवात केली. ऑस्ट्रेलियाकडून मार्नस लॅब्युशेनने ४१ धावांपासून आणि कॅमेरॉन ग्रीनने 7 धावांपासून खेळायला सुरुवात केली. लॅब्युशेनने चौथ्या दिवशी सुरुवातीलाच विकेट गमावली.

पण त्यानंतर ग्रीन आणि ऍलेक्स कॅरी यांनी डाव सावरला होता. त्यांची भागीदारीही रंगत होती. पण त्याचवेळी 63 व्या षटकात जडेजा गोलंदाजीला उतरला आणि त्याने ब्रेकथ्रू मिळवून दिला. त्याने या षटकातील अखेरचा चेंडू आऊटसाईड लेगला टाकला.

त्यावेळी ग्रीनने तो चेंडू सोडण्याचा विचार केलेला, पण चेंडू टप्पा पडल्यानंतर फिरला आणि ग्रीनच्या ग्लव्ह्ज आणि पॅडला लागून थेट स्टंपवर आदळला. चेंडू ज्याप्रकारे स्टंपवर आदळला, ते पाहून ग्रीनही चकीत झाला होता. त्याच्या विकेटचा व्हिडिओ आयसीसीने सोशल मीडियावर शेअर केला आहे.

ग्रीन 25 धावांवर बाद झाला. जडेजाची ही दुसऱ्या डावातील तिसरी विकेट ठरली. पण त्यानंतरही मिचेल स्टार्कने कॅरीची चांगली साथ दिली. त्यांनी चौथ्या दिवसाचे पहिले सत्र संपेपर्यंत आणखी विकेट पडू दिल्या नाही.

पहिले सत्र संपले, तेव्हा ऑस्ट्रेलियाने दुसऱ्या डावात 70 षटकात 6 बाद 201 धावा केल्या आहेत. कॅरी 41 धावांवर आणि स्टार्क 11 धावांवर नाबाद आहे. तसेच ऑस्ट्रेलिया पहिल्या डावातील 173 धावांच्या आघाडीमुळे 374 धावांनी पुढे आहे.

या सामन्यात ऑस्ट्रेलियाने प्रथम फलंदाजी करताना पहिल्या डावात सर्वबाद 469 धावा केल्या. त्यानंतर भारतीय संघ पहिल्या डावात 296 धावांवर सर्वबाद झाला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs ENG 4th Test: भारताच्या जिद्दीपुढे इंग्लंडचे ‘सरेंडर’! गिल, जडेजा अन् सुंदरच्या शतकांच्या जोरावर चौथा कसोटी सामना ड्रॉ

'Ayushman Card'च्या नियमात मोठा बदल, 'या' आजारांवर खाजगी रुग्णालयात मिळणार नाही मोफत उपचार

Viral Video: '...अन् हात-पाय हलवत राहिला', नाचता-नाचता रोबोटचा ‘तो’ थरारक क्षण, सोशल मीडियावर व्हिडिओ व्हायरल!

IND vs ENG 4th Test: वर्ल्ड टेस्ट चॅम्पियनशिपमध्ये घडला इतिहास! इंग्लंडने पटकावले पहिले स्थान; केला 'हा' नवा पराक्रम

‘बाबा, माझ्या भावाला ओरडू नका!’: 5 वर्षांची चिमुकली 3 वर्षांच्या भावासाठी बाबांसमोर ढाल बनून उभी राहिली; हृदयस्पर्शी Video Viral

SCROLL FOR NEXT