Arshdeep Singh Dainik Gomantak
क्रीडा

Arshdeep Singh Video: अर्शदीपच्या बॉलिंगचा इंग्लंडमध्ये कहर! शतकवीर स्मिथचा वेगवान चेंडूने उडवला स्टंप

अर्शदीपने पहिल्याच काउंटी सामन्यात आपल्या गोलंदाजीने छाप पाडली आहे.

Pranali Kodre

Arshdeep Singh Wicket: भारताचा वेगवान गोलंदाज अर्शदीप सिंगने रविवारी काउंटी क्रिकेटमध्ये पदार्पण केले आहे. त्याने केंट काउंटी संघाकडून सरेविरुद्धच्या सामन्यातून हे पदार्पण केले. दरम्यान, तो पदार्पणातच चमकला आहे. त्याने त्याच्या गोलंदाजीने प्रभाव पाडला आहे.

त्याने पहिल्याच डावात शानदार गोलंदाजी करताना 14.2 षटके गोलंदाजी करताना 43 धावा देत 2 विकेट्स घेतल्या. यातील 4 षटके त्याने निर्धाव (मेडन) टाकली. त्याने या डावात सरेचा फलंदाज बेन फोक्सला सुंदर इनस्विंगर टाकत पायचीत केले होते.

ही त्याची काउंटी क्रिकेटमधली पहिली विकेटही ठरली. त्यानंतर त्याने डॅनिएल वॉरेलला 12 धावांवर बाद करत सरेचा डावही संपवला. सरेने पहिल्या डावात सर्वबाद 145 धावा केल्या.

अर्शदीपने दुसऱ्या डावातही शानदार गोलंदाजी करत केंटला महत्त्वाची विकेट मिळवून दिली. दुसऱ्या डावात केंटने सरेसमोर 501 धावांचे आव्हान ठेवले आहे. या आव्हानाचा पाठलाग करताना सरेकडून दमदार खेळ करणाऱ्या जेमी स्मिथला अर्शदीपने त्रिफळाचीत करत केंटला मोठा दिलासा दिला.

सामन्याच्या तिसऱ्या दिवशी स्मिथने आक्रमक शतकी खेळी केली होती. पण तो 114 धावांवर अशताना अर्शदीपने त्याचा बचाव भेदत स्टंपच उडवला. त्यामुळे स्मिथला माघारी परतावे लागले. पण त्याच्या शतकामुळे सरेने तिसऱ्या दिवसाखेर 3 बाद 263 धावा करता आल्या.

दरम्यान, या सामन्यात केंटने प्रथम फलंदाजी करताना पहिल्या डावात सर्वबाद 301 धावा केल्या होत्या. त्यामुळे केंटने 156 धावांची मोठी आघाडी घेतली. त्यानंतर दुसऱ्या डावात केंटने सर्वबाद 344 धावा करत सरे समोर 501 धावांचे आव्हान ठेवले होते.

दरम्यान, केंटकडून खेळण्यासाठी भारतीय संघाचा प्रशिक्षक राहुल द्रविडकडून प्रेरणा मिळाल्याचे अर्शदीपने सांगितले होते. त्याने सांगितले होते की राहुल द्रविडही केंटकडून खेळला आहे. त्याने या संघाच्या इतिहासाबद्दलही सांगितले. त्यातून त्याला या संघासाठी खेळण्याची प्रेरणा मिळाली.

अर्शदीपने मार्चमध्ये केंटबरोबर करार केला होता. त्याने आत्तापर्यंत त्याच्या कारकिर्दीत 7 प्रथम श्रेणी सामने खेळले असून 25 विकेट्स घेतल्या आहेत. तसेच त्याने भारताकडून 26 टी20 आणि 3 वनडे सामने खेळले आहेत. यामध्ये त्याने 41 आंतरराष्ट्रीय टी20 विकेट्स घेतल्या आहेत, तर वनडेत त्याला एकही विकेट घेता आलेली नाही.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

SCROLL FOR NEXT