Ghana vs Uruguay: फिफा फुटबॉल वर्ल्डकप स्पर्धेत शुक्रवारी ग्रुफ एच मधील दुसऱ्या सामन्यात उरूग्वे संघाने घाना संघावर 2-0 अशी एकतर्फी मात केली. तथापि, याच ग्रुपमधील दक्षिण कोरिया विरूद्ध पोर्तुगाल सामन्यात दक्षिण कोरियाने पोर्तुगालला धक्कादायकरित्या पराभूत केले. त्यामुळे उरूग्वे संघाने विजय मिळवूनही त्यांना स्पर्धेबाहेर व्हावे लागले. तर दक्षिण कोरिया बाद फेरीत गेला आहे.

(FIFA World Cup 2022)

ग्रुप एच च्या गुणतक्त्यात दक्षिण कोरिया आणि उरूग्वे संघाचे गुण समान झाले. दोन्ही संघांनी ग्रुप लढतीमध्ये तीन सामन्यांत एक विजय, एक पराभव आणि एक सामना अनिर्णित राहिला. दोन्ही संघांचे गुण 4 आहेत. पण गोल सरासरीत दक्षिण कोरियाने उरूग्वेला मागे टाकले. त्यामुळ दक्षिण कोरियाला पुढील फेरीची संधी मिळाली.

दरम्यान, घानाविरूद्ध उरूग्वेच्या जियोर्जियन डी अर्रास्केटा यानेच दोन्ही गोल नोंदवले. घाना संघाला एकही गोल करता आला नाही. त्यामुळे उरूग्वेने हा सामना आरामात जिंकला. पण उरूग्वेला बाद फेरीत पोहचण्यासाठी पोर्तुगालने दक्षिण कोरियाला पराभूत करणेही गरजेचे होते. दक्षिण कोरियाच्या धक्क्याने उरूग्वेचाही स्वप्नभंग झाला आहे.