Year Ending 2022: सन 2022 हे वर्ष खेळांसाठी महत्वाचे ठरले आहे. अनेक महत्वाच्या वर्ल्डकप स्पर्धा या वर्षात पार पडल्या. काही सुरू आहेत. तसेच अनेक खेळाडुंना या वर्षात निवृत्तीचीही घोषणा केली. कोणकोणत्या क्रिकेटटपटुंनी या वर्षात क्रिकेटला अलविदा म्हटले ते जाणून घेऊया.

भारतीय क्रिकेटबाबत बोलायचे तर भारताच्या सुरेश रैना याने टी-20 प्रकारातून निवृत्ती घतेली. तर रॉबिन उत्थप्पा आणि राहुल शर्मा यांनी सर्व प्रकारच्या क्रिकेटमधून निवृत्तीची घोषणा केली.

या वर्षात जानेवारीत पाकिस्तानच्या मोहम्मद हाफीज याने सर्व प्रकारच्या क्रिकेटमधून निवृत्तीची घोषणा केली. हाफीजने 2003 मध्ये झिम्बाब्वेविरूद्ध एकदिवसीय क्रिकेटमध्ये पदार्पण केले होते. बांग्लादेशचा मुशफिकर रहीम याने टी-20 मधून निवृत्ती घेतली आहे.

दक्षिण आफ्रिकेच्या ख्रिस मॉरिस यानेही क्रिकेटच्या सर्व फॉरमॅटमधून निवृत्ती घेतली. तो दहा वर्षांपासून दक्षिण आफ्रिकेसाठी क्रिकेट खेळत होता. त्याने आयपीएल स्पर्धाही गाजवली होती. श्रीलंकेचा रंगेल खेळाडू दानुष्का गुनाथिलाका याने कसोटी क्रिकेटमधून निवृत्ती घेतली आहे. श्रीलंकेच्याच सुरांगा लकमल यानेही सर्व फॉरमॅटमधून निवृत्ती स्विकारली. तो 2009 पासून श्रीलंकन संघासाठी क्रिकेट खेळतो आहे.

इंग्लंडच्या टीम ब्रेस्नन याने 2006 ते 2022 असा दीर्घकाळ क्रिकेट खेळले आहे. त्याने निवृत्तीची घोषणा केली आहे. याशिवाय इंग्लंडच्या इऑन मॉर्गन हा 2006 पासून इंग्लंडसाठी खेळत होता, त्यानेही सर्व फॉरमॅटमधून निवृत्ती घेतली आहे. तसेच इंग्लंडचा अष्टपैलू खेळाडू बेन स्टोक्सनेही एकदिवसीय सामन्यांतून निवृतती घेतली आहे. तो 2011 राष्ट्रीय संघासाठी खेळत होता.

न्युझीलंडच्या रॉस टेलर, हामिश बेनेट्ट, कॉलिन डी ग्रँडहोम यांनी या वर्षी क्रिकेटच्या सर्व फॉरमॅटमधून निवृत्ती घेतली. पैकी रॉस टेलर 2006 पासून, बेनेट्ट 2010 पासून तर ग्रँडहोम 2012 पासून न्युझीलंडसाठी खेळत होते.

वेस्ट इंडिजच्या किएरॉन पोलार्ड, लेंडल सिमन्स आणि दिनेश रामदिन यांनी क्रिकेटपटुंनीही सर्व प्रकारच्या क्रिकेटला अलविदा म्हटले आहे. ते आता क्रिकेट खेळताना दिसणार नाहीत. याशिवाय ऑस्ट्रेलियाच्या अॅरन फिंच यानेही एकदिवसीय क्रिकेटमधून निवृत्ती घेतली आहे.