IND vs ENG, Test: इंग्लंडविरुद्धच्या दुसऱ्या कसोटीच्या तिसऱ्या दिवशी भारताने दुसऱ्या डावात 255 धावा केल्या आणि पाहुण्या संघाला 399 धावांचे लक्ष्य दिले. भारताकडून शुभमन गिलने 104 तर अक्षर पटेलने 45 धावा केल्या. इंग्लंडकडून टॉम हार्टलीने 77 धावांत चार तर रेहान अहमदने 88 धावांत तीन बळी घेतले. जेम्स अँडरसनने 29 धावांत दोन बळी घेतले. मात्र, दुसऱ्या कसोटीतही विकेट्समधील मोठी भागीदारी ही भारतासाठी चिंतेची बाब होती. इंग्लंडविरुद्धच्या गेल्या दोन कसोटी सामन्यांमध्ये भारतीय संघाला एकदाही 100 किंवा त्याहून अधिक धावांची भागीदारी करता आलेली नाही.
दरम्यान, भारताने पहिल्या डावात 396 धावा केल्या होत्या, त्याला प्रत्युत्तरात इंग्लंडचा संघ 253 धावांवर गारद झाला. पाच सामन्यांच्या कसोटी मालिकेतील पहिल्या दोन सामन्यांमध्ये भारतीय संघाने मजबूत धावा केल्या आहेत, मात्र फलंदाज शतकी भागीदारी करण्यात अपयशी ठरले. अशाप्रकारे दुसऱ्यांदा भारतीय संघाच्या नावावर नको असलेल्या विक्रमाची नोंद झाली आहे.
दुसरीकडे, पहिल्या सामन्यात भारतीय संघाने एकूण 638 धावा केल्या, तर दुसऱ्या सामन्यात संघाने एकूण 651 धावा केल्या आणि एकही शतकी भागीदारी झाली नाही. दुसऱ्या डावात शुभमन गिल आणि श्रेयस अय्यर यांच्यात 95 धावांची सर्वात मोठी भागीदारी झाली. भारताने 2011 मध्ये वेस्ट इंडिजविरुद्धच्या कसोटीत शतकी भागीदारी न करता सर्वाधिक धावा केल्या होत्या. या सामन्यात भारताने एकूण 724 धावा केल्या होत्या. 1990 मध्ये लॉर्ड्सवर 678 धावा केल्या होत्या.
724 विरुद्ध WI मुंबई WS 2011
678 विरुद्ध इंग्लंड लॉर्ड्स 1990
663 विरुद्ध पाक बंगळुरु 2005
656 विरुद्ध बांगलादेश चितगाव 2010
651 विरुद्ध इंग्लंड विझाग 2024
638 विरुद्ध इंग्लंड हैदराबाद 2024
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.