Shaheen Shah Afridi Marriage: पाकिस्तान क्रिकेट संघाचा स्टार गोलंदाज शाहीन शाह आफ्रिदी लवकरच विवाहबंधनात अडकणार आहे. शाहीन आफ्रिदीचा विवाह माजी स्टार क्रिकेटर शाहिद आफ्रिदीची मुलगी अंशा आफ्रिदीशी होणार आहे. या दोघांच्या लग्नाची तारीखही समोर आली आहे. अंशा ही आफ्रिदीची मोठी मुलगी आहे.

दरम्यान, एक्सप्रेस न्यूजशी बोलताना शाहिद आफ्रिदीने (Shahid Afridi) सांगितले होते की, 'अंशा आणि वेगवान गोलंदाज शाहीन आफ्रिदी लग्न करणार आहेत. हा सोहळा कराचीमध्ये होणार असून रिसेप्शनची तारीख अद्याप ठरलेली नाही.'

तसेच, शाहीन शाह आफ्रिदी हा पाकिस्तानच्या सर्व फॉरमॅटमध्ये अतिशय महत्त्वाचा वेगवान गोलंदाज आहे. त्याने पाकिस्तानसाठी (Pakistan) आतापर्यंत 25 कसोटी, 32 एकदिवसीय आणि 47 टी-20 सामने खेळले आहेत. त्याच्या नावावर कसोटीत 99, एकदिवसीय सामन्यात 62 आणि टी-20 मध्ये 58 बळी आहेत. शाहीन शाह आफ्रिदीशिवाय पाकिस्तान क्रिकेट संघाचा वेगवान गोलंदाज हरिस रौफही विवाहबंधनात अडकणार आहे.

दुसरीकडे, हारिस रौफ या महिन्याच्या 26 तारखेला त्याच्या वर्ग मैत्रिणीशी लग्न करणार आहे. मीडिया रिपोर्ट्सवर विश्वास ठेवल्यास हरिसच्या घरी लग्नाच्या (Marriage) विधी सुरु झाल्या आहेत.