फातोर्डा: बेंगळुरु येथे चालु असलेल्या ग्लेनमार्क 37व्या सब-ज्युनियर व 47व्या ज्युनियर राष्ट्रीय जलतरण  स्पर्धेत गोव्याच्या संजना प्रभुगावकरने सुवर्ण पदक पटकावले. तिने हे पदक 200 मी बॅक स्ट्रोक मुलींच्या गट एक मध्ये जिंकले. 

संजनाने सुवर्ण पदक जिंकताना 2 मी. 28.71 सेकंदाचा वेळ दिला. महाराष्ट्राच्या पलक धामीने रौप्य पदक जिंकताना 2 मी. 29.90 सेकंदात तर 2 मी. 29.89 सेकंदाचा वेळ देत महाराष्ट्राच्याच पलक जोशीने कांस्य पदक जिंकले.

गोव्याच्या मेगन द आल्मेदाने 3 मी. स्पिंग बोर्ड स्पर्धेत कांस्य पदक जिंकले.

ही ्स्पर्धा कर्नाटक स्विमिंग असोसिएशनने स्विमिंग फेडरेशन ऑफ इंडियाच्या सहकार्याने आयोजित केली आहे.