इंडियन प्रीमियर लीग (IPL) 2022 मध्ये गुरुवारी दिल्ली कॅपिटल्स आणि कोलकाता नाइट रायडर्स यांच्यात सामना रंगला. मुंबईतील वानखेडे मैदानावर हा सामना सुरू होण्यापूर्वीच सोशल मीडियावर एक फोटो व्हायरल झाला. दिल्ली कॅपिटल्सचा कर्णधार ऋषभ पंतची गर्लफ्रेंड ईशा नेगी (Isha Negi) आणि बहीण साक्षी पंत हा सामना पाहण्यासाठी आल्या होत्या. (Rishabh Pant-Isha Negi)

सामना सुरू झाला तेव्हा टीव्ही स्क्रीनवर दोघींनाही फ्लॅश करण्यात आले. ईशा नेगी आणि साक्षी पंत स्टेडियममध्ये एकत्र बसून एकमेकांशी बोलत होत्या. यानंतर दिल्ली कॅपिटल्सला सुरुवातीला यश मिळाल्यावर दोघांनीही आनंदाने उड्या मारल्या आणि टाळ्या वाजवल्या.

ऋषभ पंत आणि ईशा नेगी बऱ्याच दिवसांपासून एकमेकांना डेट करत आहेत. आणि त्यानी आपले प्रेम खुलेपणाने व्यक्तही केले आहे. काही दिवसांपूर्वीच जेव्हा ईशा नेगीचा वाढदिवस होता, तेव्हा ऋषभने तिच्यासाठी इंस्टाग्रामवर एक पोस्ट शेअर केली होती. त्यावर रिपोस्ट करताना ईशा नेगीनेही ऋषभ पंतला आय लव्ह यू म्हणून थॅक्यू म्हटले होते.

ईशा नेगीचा फोटो पडद्यावर येताच सोशल मीडियावरही व्हायरल झाला. चाहत्यांनी ट्विट करायला सुरुवात केली. काही युजर्सनी लिहिले की, आज वहिनी मॅच पाहायला आली आहे, तर काहींनी लिहिलं आहे की, वहिनी आली तर ती दिल्ली कॅपिटल्सचे नशीबही सोबत घेऊन आली अशा प्रकारच्या अनेक कमेंट युजर्सनी या फोटोवर केल्या आहेत.

दिल्ली कॅपिटल्सच्या संघाने आत्तापर्यंत तीन सामने जिंकले आहेत आणि चार सामन्यांत पराभवाचा सामना करावा लागला आहे. अशा स्थितीत संघाला प्लेऑफमध्ये पोहोचायचे असेल, तर सातत्याने विजय मिळवणे गरजेचे आहे.