R Ashwin | Nathan Lyon X/ICC
क्रीडा

R Ashwin: 'दिग्गज...! अभिनंदन मित्रा', प्रतिस्पर्धी लायनला 500 विकेट्सबद्दल अश्विनच्या स्पेशल शुभेच्छा

Nathan Lyon: नॅथन लायनने नुकतेच 500 कसोटी विकेट्स घेतले, त्याबद्दल आर अश्विनने त्याच्यासाठी स्पेशल ट्वीट केले आहे.

Pranali Kodre

R Ashwin Congratulate Nathan Lyon for 500 Test Wickets:

ऑस्ट्रेलिया क्रिकेट संघाने पाकिस्तानविरुद्ध पर्थला झालेल्या कसोटी सामन्यात चौथ्याच दिवशी तब्बल 360 धावांनी विजय मिळवला. त्यामुळे ऑस्ट्रेलियाने 3 सामन्यांच्या कसोटी मालिकेत 1-0 अशी आघाडी घेतली आहे. याच सामन्यादरम्यान ऑस्ट्रेलियाचा दिग्गज फिरकीपटू नॅथन लायनने मोठ्या विक्रमाला गवसणी घातली.

लायनने या सामन्यात पहिल्या डावात 3 आणि दुसऱ्या डावात 2 विकेट्स असे मिळून 5 विकेट्स घेतल्या. त्यामुळे लायनने कसोटी कारकिर्दीत 500 विकेट्स पूर्ण केल्या आहेत. त्याबद्दल त्याचे क्रिकेटविश्वातून कौतुक होत आहे. भारताचा अनुभवी फिरकीपटू आर अश्विननेही त्याचे कौतुक केले आहे.

अश्विनने त्याला GOAT (दिग्गज) म्हणत ट्वीट केले आहे की '५०० कसोटी विकेट्स घेणारा ९ गोलंदाज आणि केवळ दुसराच ऑफ स्पिनर. नॅथन लायन, मित्रा, अभिनंदन.'

दरम्यान, नॅथन लायन कसोटीत 500 विकेट्स घेणारा एकूण आठवाच गोलंदाज ठरला आहे, तर तिसरा ऑस्ट्रेलियन गोलंदाज ठरला.

यापूर्वी मुथय्या मुरलीधरन (800), शेन वॉर्न (708), जेम्स अँडरसन (690), अनिल कुंबळे (619), स्टुअर्ट ब्रॉड (604), ग्लेन मॅकग्रा (563 विकेट्स) आणि कर्टनी वॉल्श (519) यांनी कसोटीत ५०० विकेट्सचा टप्पा पार केला आहे. यातील केवळ मुरलीधरनच ऑफ स्पिनर आहे.

अश्विन - लायनची मैत्री

खरंतर अश्विन आणि लायन एकमेकांचे मैदानात कट्टर प्रतिस्पर्धीही आहेत. मात्र, मैदानाबाहेर त्यांच्यात चांगली मैत्री आहे. काही दिवसांपूर्वीच सोशल मीडियावर त्यांचे एक डील झाले आहे की कारकिर्द संपल्यानंतर सिडनी आणि चेन्नईमध्ये दोघे जण बसून पार्टीचा प्लॅन करून कारकिर्दीबद्दल चर्चा करतील.

लायनची कसोटी कारकिर्द

नॅथन लायनच्या नावावर आता 123 कसोटीत 501 विकेट्स झाल्या आहेत. त्याने कसोटी कारकर्दीत 23 वेळा एका डावात 5 किंवा त्यापेक्षा जास्ता विकेट्स घेतल्या आहेत, तर 4 वेळा त्याने एका सामन्यात 10 किंवा त्याहून अधिक विकेट्स घेण्याची कामगिरी केली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Ferrari Seized: महाराष्ट्रात नोंदणीकृत 7.5 कोटींची 'फेरारी' कर्नाटकमध्ये चालवली म्हणून केली जप्त; काय नेमकं प्रकरण? वाचा

IND Vs ENG: वर्ल्ड टेस्ट चॅम्पियनशिपमध्ये टीम इंडियाने रचला इतिहास, परदेशी भूमीवर केली दमदार कामगिरी; कांगारुंचा मोडला रेकॉर्ड

Goa News Live: अडवलपालमध्ये गढूळ पाण्याचा पुरवठा, 'फोमेंतो' कंपनीच्या रिजेक्शनमुळे समस्या

Operation Sindoor: 'भारत पाकिस्तानसोबत चीनशीही लढत होता...' ऑपरेशन सिंदूरबाबत भारतीय उप सेनाप्रमुखांचे मोठे वक्तव्य

BJP: इतिहासात पहिल्यांदाच भाजपच्या राष्ट्रीय अध्यक्षपदाची सूत्रे महिलेकडे जाणार? RSS चा ग्रीन सिग्नल; 'ही' तीन नावे चर्चेत

SCROLL FOR NEXT