पाकिस्तानने 2022 च्या T20 विश्वचषकासाठी 15 जणांचा संभाव्य संघ जाहीर केला आहे. या संघात वेगवान गोलंदाज शाहिन शाह आफ्रिदीचाही समावेश आहे, जो दुखापतीमुळे 2022 आशिया चषक स्पर्धेतून बाहेर पडला होता. याशिवाय देशांतर्गत क्रिकेटमध्ये चमकदार कामगिरी करणाऱ्या शान मसूदलाही संघात संधी देण्यात आली आहे.

त्याचबरोबर, सर्फराज अहमद, मोहम्मद हरिस, उस्मान कादिर आणि इफ्तिखार अहमद यांना राखीव खेळाडू म्हणून संघात ठेवण्यात आले आहे. तथापि, पीसीबीने म्हटले आहे की, टी-20 विश्वचषकासाठी अंतिम पूर्ण संघाची निवड इंग्लंडविरुद्धच्या सात सामन्यांच्या टी-20 मालिकेनंतर केली जाईल.

दुसरीकडे, श्रीलंकेने पाकिस्तानला धूळ चारत आशिया चषकावर आपले नाव कोरले आहे. श्रीलंकेने पाकिस्तानसमोर (Pakistan) विजयासाठी 171 धावांचे लक्ष्य ठेवले होते. ही धावसंख्या गाठणे पाकिस्तानी संघाला शक्य झाले नाही. 20 षटकांमध्ये पाकिस्तानला केवळ 147 धावा करता आल्या. श्रीलंकेने (Sri Lanka) पाकिस्तानचा 23 धावांनी धुव्वा उडवला. या विजयासह श्रीलंकेने सहाव्यांदा आशिया चषकावर नाव कोरले.