National Kite Surfing : राष्ट्रीय काईट सर्फिंग स्पर्धेतील गतविजेता वरूण नारायणन विजेतेपद राखण्याच्या उद्देशाने गोव्यात दाखल झाला आहे. स्पर्धेसाठी त्याने शुक्रवारी नोंदणी केली. मांद्रे येथील समुद्रकिनारी स्पर्धेला शनिवारपासून (ता. 16) सुरवात होईल. राष्ट्रीय काईट सर्फिंग मानांकनासाठीही राष्ट्रीय कामगिरी गृहीत धरली जाईल. (National Kite Surfing competition Latest News Updates)

काईट सर्फिंगचा आनंद लुटणे माझ्यासाठी अतीव महत्त्वाचे आहे, शर्यत कशी संपवतो हे दुय्यम ठरते. विजेतेपद राखण्याचेही उद्दिष्ट्य आहे, असे वरूणने स्पर्धेसाठी नोंदणी केल्यानंतर सांगितले. गतवेळची राष्ट्रीय काईट सर्फिंग स्पर्धा केरळमधील तुतिकोरीन येथे झाली होती.

स्पर्धेस गोव्यातील सर्फर्सकडूनही प्रतिसाद मिळाला आहे. राज्यातील अव्वल महिला सर्फर किओना रजनी हिनेही शुक्रवारी स्पर्धेसाठी नोंदणी केली. पर्रा येथील १८ वर्षीय किओना हिच्यासाठी ही पहिलीच राष्ट्रीय काईट सर्फिंग स्पर्धा आहेत. काईट सर्फिंगचा आनंद लुटण्यासाठी आपण उत्साहित असल्याची प्रतिक्रिया तिने दिली. मोरजी येथे आपण सरावासाठी पालकांसमवेत येत असल्याची माहिती तिने दिली.

युरोपातील 22 वर्षीय युली हे गेली दोन दशके गोव्यात काईट सर्फिंग आणि विंडसर्फिंगचे प्रशिक्षण देतात आपले प्रशिक्षणार्थी स्पर्धेत कशी कामगिरी बजावतात याबाबत त्यांना उत्सुकता आहे. गोव्याचे माजी राष्ट्रीय सर्फर रसेल लोबो स्पर्धेचे तांत्रिक अधिकारी आहेत.