Mohammed Shami Dainik Gomantak
क्रीडा

IND vs NZ: मोहम्मद शमीच्या 'या' विचित्र वक्तव्याने उडाली खळबळ, म्हणाला...!

Mohammed Shami On IND vs NZ 2nd Odi: न्यूझीलंडविरुद्ध खेळल्या गेलेल्या वनडे मालिकेतील दुसऱ्या सामन्यात टीम इंडियाने वर्चस्व गाजवले.

दैनिक गोमन्तक

Mohammed Shami On IND vs NZ 2nd Odi: न्यूझीलंडविरुद्ध खेळल्या गेलेल्या वनडे मालिकेतील दुसऱ्या सामन्यात टीम इंडियाने वर्चस्व गाजवले. या सामन्यात भारतीय गोलंदाजांनी न्यूझीलंडच्या फलंदाजांचा धुव्वा उडवत संघाच्या विजयाचा पाया रचला. या सामन्यात वरिष्ठ वेगवान गोलंदाज मोहम्मद शमी टीम इंडियाचा सर्वात यशस्वी गोलंदाज ठरला. मात्र, सामन्यानंतर त्याने मोठे वक्तव्य केले.

मोहम्मद शमीने हे मोठे वक्तव्य केले आहे

न्यूझीलंडविरुद्धच्या (New Zealand) मालिकेतील दुसऱ्या सामन्यात वेगवान गोलंदाज मोहम्मद शमी भारतीय संघाच्या विजयाचा सर्वात मोठा हिरो ठरला. या सामन्यात 6 षटके टाकताना शमीने 3.00 च्या इकॉनॉमीसह 18 धावा केल्या आणि 3 खेळाडू बाद केले. या शानदार खेळासाठी त्याला सामनावीर (MOM) पुरस्कारही देण्यात आला.

मात्र, सामन्यानंतर शमी म्हणाला की, 'मी जेव्हा गोलंदाजी सुरु करतो, तेव्हा मी लाइन आणि लेन्थवर लक्ष देतो. कधी कधी असं होतं की तुम्ही चांगली गोलंदाजी करता आणि विकेट मिळत नाहीत. कधी कधी खराब चेंडूंवरही विकेट्स मिळतात. माझा विश्वास आहे की, तुम्ही जितका जास्त वेळ घालवाल तितके चांगले फळ तुम्हाला मिळेल.'

अशा प्रकारे दोन्ही संघांमधील हा सामना रंगला

या एकदिवसीय सामन्यात टीम इंडियाने (Team India) नाणेफेक जिंकून प्रथम गोलंदाजी करण्याचा निर्णय घेतला. या सामन्यात प्रथम फलंदाजी करताना न्यूझीलंडचा संघ 108 धावांवर गडगडला. टीम इंडियाकडून मोहम्मद शमीने या सामन्यात सर्वाधिक 3 बळी घेतले.

तर हार्दिक पांड्या आणि वॉशिंग्टन सुंदरने 2-2 विकेट घेतल्या. मोहम्मद सिराज, शार्दुल ठाकूर आणि कुलदीप यादव यांनीही 1-1 विकेट घेण्यात यश मिळवले. यानंतर 109 धावांचे लक्ष्य टीम इंडियाने केवळ 2 गडी गमावून पूर्ण केले. कर्णधार रोहित शर्माने सर्वाधिक 51 धावा केल्या.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

माटोळी विक्रेत्यांना 'सोपो' माफ, परप्रांतीय होलसेल विक्रेत्यांवर कठोर कारवाई; मुख्यमंत्र्यांचे विधानसभेत आश्वासन

CM Pramod Sawant: 'आमच्या मंत्रिमंडळात तीन ओबीसी मंत्री...', राष्ट्रीय ओबीसी महासंघाच्या अधिवेशनात मुख्यमंत्री सावंतांचं वक्तव्य

Goa Assembly Session: गोव्यात लवकरच सहकारी संस्थांसाठी ‘नवा कायदा’ , महाराष्ट्रातील MOFAच्या धर्तीवर सावंत सरकारचा मोठा निर्णय!

धूम्रपान करणाऱ्यांसाठी धोक्याची घंटा! स्लिप डिस्कचा वाढला धोका, संशोधनातून धक्कादायक खुलासा; जाणून घ्या लक्षणे आणि तज्ञांचा सल्ला

ऐन चतुर्थीच्या तोंडावर असोला नारळ महागला, लोकांमध्ये चिंता; Watch Video

SCROLL FOR NEXT