SA Vs IRE: दक्षिण आफ्रिकेचा संघ सध्या आयर्लंडच्या दौऱ्यावर आहे, जिथे दोन्ही देशांदरम्यान दोन सामन्यांची T20 आंतरराष्ट्रीय मालिका खेळवली जाणार आहे. मात्र, या मालिकेपूर्वीच पाहुण्या दक्षिण आफ्रिका संघाला मोठा धक्का बसला आहे. संघातील आघाडीचा वेगवान गोलंदाज कागिसो रबाडा या दोन सामन्यांच्या T20 मालिकेतून बाहेर पडला आहे. ब्रिस्टलमध्ये आल्यानंतर संघाच्या वैद्यकीय कर्मचाऱ्यांकडून सांगण्यात आले की, कागिसो रबाडा या मालिकेत खेळू शकणार नाही.

दरम्यान, कागिसो रबाडाच्या (Kagiso Rabada) घोट्याला दुखापत झाली आहे. तर दुसरीकडे, या महिन्याच्या अखेरीस इंग्लंडविरुद्धच्या (England) आगामी तीन सामन्यांच्या कसोटी मालिकेची तयारी करण्यापूर्वी तो बरा होईल असेही सांगण्यात आले आहे. त्याला दीर्घकाळ विश्रांती दिली जाऊ शकते, असेही सांगितले जात आहे.

दुसरीकडे, T20 विश्वचषकातील (T20 World Cup) तयारीसाठी दक्षिण आफ्रिकेने (South Africa) जुलैमध्ये इंग्लंडमधील एकदिवसीय मालिकेसाठी त्यांच्या वेगवान गोलंदाजांना विश्रांती दिली आहे.