IPL 2023: आयपीएल 2023 मधील 57 वा सामना मुंबई इंडियन्स आणि गुजरात टायटन्स यांच्यात खेळला जात आहे. मुंबईतील वानखेडेवर खेळल्या जात असलेल्या या सामन्यात मुंबई इंडियन्सचा स्टार खेळाडू सूर्यकुमार यादवने तूफानी शतक झळकावले.

आयपीएल (IPL) कारकिर्दीतील त्याचे हे पहिले शतक आहे. सूर्याने गुजरातविरुद्ध 103 धावांची विस्फोटक खेळी खेळली आणि संघाला 218 धावांपर्यंत नेले.

दरम्यान, पहिल्यांदा फलंदाजी करताना मुंबईने 20 षटकांत 5 गडी गमावून 218 धावा केल्या. आता गुजरातला विजयासाठी 219 धावा करायच्या आहेत.

मुंबईकडून सूर्याने 49 चेंडूत 103 धावांची खेळी केली. या खेळीत सूर्याने 11 चौकार आणि 6 शानदार षटकार ठोकले. सूर्याने 20 व्या षटकाच्या शेवटच्या चेंडूवर षटकार ठोकून शतक पूर्ण केले तेव्हा मुंबई संघातील सर्व खेळाडूंनी जल्लोष केला.

सूर्याने आयपीएल 2023 मधील चौथे शतक झळकावले

सूर्यकुमार यादवने (Suryakumar Yadav) या मोसमातील चौथे शतक झळकावले आहे. सूर्यापूर्वी राजस्थान रॉयल्सचा सलामीवीर यशस्वी जैस्वाल, केकेआरचा व्यंकटेश अय्यर आणि सनरायझर्स हैदराबादचा हॅरी ब्रूक यांनी शतके झळकावली आहेत.

या मोसमात शतक झळकावणारे 4 खेळाडू

यशस्वी जैस्वाल (RR)- 124 धावा

सूर्यकुमार यादव (MI) – 103 धावा

व्यंकटेश अय्यर (KKR) – 104 धावा

हॅरी ब्रूक (SRH) - 100 धावा

दोन्ही संघांची प्लेइंग इलेव्हन 11

मुंबई इंडियन्स – रोहित शर्मा (क), इशान किशन (प.), कॅमेरॉन ग्रीन, सूर्यकुमार यादव, टिम डेव्हिड, नेहल वढेरा, तिलक वर्मा, ख्रिस जॉर्डन, पियुष चावला, कुमार कार्तिकेय, जेसन बेहरेनडॉर्फ.

गुजरात टायटन्स- रिद्धिमान साहा (w), शुभमन गिल, हार्दिक पांड्या (क), विजय शंकर, डेव्हिड मिलर, अभिनव मनोहर, राहुल तेवतिया, रशीद खान, मोहित शर्मा, नूर अहमद, मोहम्मद शमी.