मुंबईतील वानखेडे स्टेडियमवर खेळल्या जात असलेल्या IPL 2022 च्या 38 व्या सामन्यात शिखर धवनने इतिहास रचला. या सामन्यात दोन धावा करताच शिखर धवन आयपीएलमध्ये 6000 धावा करणारा दुसरा फलंदाज ठरला. धवनसाठी हा सामना खूप खास आहे, कारण हा धवनचा आयपीएल कारकिर्दीतील 200 वा सामना आहे.

शिखर धवनने आपल्या आयपीएल कारकिर्दीतील 200 वा सामना चेन्नई सुपर किंग्ज विरुद्ध खेळताना 2 धावा करताच 6000 धावांचा टप्पा गाठला.

या सामन्यापूर्वी त्याने 199 IPL सामन्यात 5998 धावा केल्या होत्या. आयपीएलमध्ये सर्वाधिक धावा करणाऱ्या फलंदाजांच्या यादीत धवन दुसऱ्या क्रमांकावर आहे. आयपीएलमध्ये 6000 धावा करणारा तो दुसरा फलंदाज आहे.

या सामन्यात चेन्नई सुपर किंग्जचा कर्णधार रवींद्र जडेजाने नाणेफेक जिंकून प्रथम गोलंदाजी करण्याचा निर्णय घेतला आहे. दुसरीकडे पंजाब किंग्जचा कर्णधार मयंक अग्रवालने या सामन्यासाठी आपल्या प्लेइंग इलेव्हनमध्ये तीन बदल केले आहेत. भानुका राजपक्षे, ऋषी धवन आणि संदीप शर्मा यांना आज संधी मिळाली.