Happy Birthday Suryakumar Yadav: जागतिक क्रमवारीत अव्वल स्थानी असलेला टीम इंडियाचा स्टार फलंदाज सूर्यकुमार यादव आज 33 वा वाढदिवस साजरा करत आहे.

2021 मध्ये टीम इंडियासाठी वयाच्या 31 व्या वर्षी आंतरराष्ट्रीय क्रिकेटमध्ये पदार्पण करणारा सूर्या 'मिस्टर 360' म्हणून प्रसिद्ध आहे.

सूर्यकुमार यादवला टीम इंडियात स्थान मिळवण्यासाठी बराच काळ वाट पाहावी लागली, मात्र एकदा संधी मिळाल्यानंतर त्याने मागे वळून पाहिले नाही.

सूर्या 2023 चा विश्वचषक खेळणार आहे

सूर्याचा जन्म 14 सप्टेंबर 1990 रोजी मुंबईत झाला. गुरुवारी त्याच्या 33 व्या वाढदिवसानिमित्त त्याचे अनेक रेकॉर्ड आणि त्याच्याशी संबंधित अनेक गोष्टी चर्चेत आल्या आहेत.

या एपिसोडमध्ये आपण सूर्याच्या या आश्चर्यकारक प्रवासाबद्दल जाणून घेणार आहोत, ज्याने त्याला पदार्पणाच्या 3 वर्षांच्या आत टीम इंडियाचा 3D खेळाडू बनवले.

आज त्याने भारतासाठी तिन्ही फॉरमॅटमध्ये पदार्पण केले आहे आणि आगामी एकदिवसीय विश्वचषक 2023 साठी भारतीय संघाचा एक भाग देखील आहे.

भारताचा मिस्टर 360

पदार्पण केल्यानंतर पुढच्या एका वर्षातच सूर्या टी-20 इंटरनॅशनलचा बादशहा बनला. तो सध्या T-20 इंटरनॅशनलमध्ये नंबर वन बॅट्समन आहे. तो दीर्घकाळापासून आयसीसी क्रमवारीत अव्वल स्थानी आहे.

आज केवळ टी-20 मध्येच नाही तर वनडे संघातही तो टीम इंडियाचा एक भाग आहे. जरी, तो अद्याप 50 षटकांच्या फॉरमॅटमध्ये स्वत: ला सिद्ध करु शकला नाही, परंतु त्याचे T-20 फलंदाजीचे स्कील पाहता सिलेक्टर्संना त्याच्याकडे दुर्लक्ष करणे फार कठीण होते.

चला तर मग सूर्याच्या आश्चर्यकारक प्रवासाबद्दल जाणून घेऊया, ज्याने त्याला आज सूर्यकुमार यादव (Suryakumar Yadav) व्यतिरिक्त भारताचा 'मिस्टर 360' आणि 'मॉडर्न मिस्टर 360' बनवले आहे.

SKY चा अत्तापर्यंतचा प्रवास 10 पॉइंट्समधून समजून घेऊया...

1- सूर्याला आपल्या पदार्पणाच्या सामन्यात फलंदाजी करायला मिळाली नाही, पण इंग्लंडविरुद्धच्या पदार्पणाच्या आंतरराष्ट्रीय डावात त्याने 31 चेंडूत 57 धावा करत क्रिकेट जगतात शानदार पदार्पण केले.

2- त्यानंतर सूर्याने मागे वळून पाहिले नाही, तिसर्‍या डावात त्याने दुसरे वनडे अर्धशतकही झळकावले. इथून त्याचे टी-20 इंटरनॅशनलमधील स्थान पूर्णपणे पक्के झाले.

3- पदार्पणाच्या जवळपास एक वर्ष आणि 4 महिन्यांनंतर, सूर्याने नॉटिंगहॅममध्ये इंग्लंडविरुद्ध (England) 117 धावांची विस्फोटक खेळी खेळून आपले पहिले आंतरराष्ट्रीय शतक झळकावले. आज सूर्याच्या नावावर T-20 आंतरराष्ट्रीय क्रिकेटमध्ये 3 शतके आणि 15 अर्धशतके आहेत.

4- टी-20 क्रिकेटमध्ये चमक दाखवल्यानंतर, त्याला एकदिवसीय क्रिकेट संघातही प्रवेश मिळाला आणि 18 जुलै 2021 रोजी सूर्याने श्रीलंकेविरुद्ध एकदिवसीय क्रिकेटमध्ये पदार्पण केले.

5- सूर्याने एकदिवसीय सामन्यांमध्येही चांगली सुरुवात केली होती आणि पहिल्या 6 सामन्यांमध्ये 2 अर्धशतकांसह प्रत्येक सामन्यात 30 हून अधिक धावा करुन त्याने आपली छाप सोडली होती.

6- एकदिवसीय क्रिकेटमध्ये त्याला म्हणावी तशी कामगिरी करता आली नाही, परंतु श्रेयस अय्यरच्या दुखापतीमुळे सूर्याला वनडे विश्वचषक स्पर्धेत सतत संधी मिळाली.

7- त्याचा फलंदाजीचा अंदाज आणि स्कील लक्षात घेऊन सूर्याची अखेर 2023 च्या वनडे विश्वचषकासाठी टीम इंडियाच्या संघात निवड करण्यात आली.

8- दरम्यान सूर्याने बॉर्डर गावस्कर ट्रॉफी 2023 मध्ये कसोटी पदार्पण केले. मात्र, येथे तो केवळ 8 धावा करु शकला आणि त्यानंतर त्याला कसोटी संघात स्थान मिळाले नाही.

9- सूर्यकुमार यादव सध्या टी-20 इंटरनॅशनलमध्ये नंबर वन बॅट्समन आहे आणि तो बऱ्याच काळापासून नंबर वन आहे.

10- आयपीएलमध्येही सूर्या प्रभावी ठरला होता आणि तेथून त्याने दीर्घ प्रतीक्षेनंतर टीम इंडियामध्ये प्रवेश केला. या स्पर्धेत त्याने एकूण 3249 धावा केल्या.

सूर्याची शानदार कारकिर्द

सूर्यकूमार यादवने भारतासाठी आतापर्यंत एकूण 1 कसोटी, 26 एकदिवसीय आणि 53 टी-20 आंतरराष्ट्रीय सामने खेळले आहेत. त्याच्या नावावर कसोटी सामन्यात केवळ 8 धावा, एकदिवसीय क्रिकेटमध्ये 511 धावा आणि आंतरराष्ट्रीय टी-20 मध्ये 1841 धावा आहेत.

त्याने एकदिवसीय आंतरराष्ट्रीय क्रिकेटमध्ये 2 अर्धशतके आणि टी-20 च्या सर्वात लहान फॉरमॅटमध्ये 15 अर्धशतके आणि 3 शतके झळकावली आहेत. T-20 आंतरराष्ट्रीय मधील त्याची सरासरी आणि स्ट्राईक रेट दोन्ही उत्कृष्ट आहे.

त्याने या फॉरमॅटमध्ये 46.02 च्या सरासरीने आणि 172.7 च्या स्ट्राइक रेटने धावा केल्या आहेत. मात्र, त्याला एकदिवसीय आणि कसोटीत स्वत:ला सिद्ध करावे लागेल.