IND vs SA 2nd ODI: भारत आणि दक्षिण आफ्रिका यांच्यातील तीन एकदिवसीय सामन्यांच्या मालिकेतील दुसरा सामना गकबेराह येथील सेंट जॉर्ज पार्क येथे खेळवला जात आहे. दक्षिण आफ्रिकेचा कर्णधार एडन मार्करमने नाणेफेक जिंकून प्रथम गोलंदाजी करण्याचा निर्णय घेतला. केएल राहुलने दुसऱ्या एकदिवसीय सामन्यात 56 धावांची शानदार खेळी खेळली. या सामन्यात केएल राहुलशिवाय सलामीवीर फलंदाज साई सुदर्शननेही 62 धावांची खेळी केली. या दोघांच्या अर्धशतकांच्या जोरावर भारताने दक्षिण आफ्रिकेला 212 धावांचा लक्ष्य दिले. मात्र, या दोघांशिवाय भारताच्या इतर फलंदाजांना या सामन्यात म्हणावी तशी कामगिरी करता आली नाही. दरम्यान, या खेळीच्या जोरावर केएल राहुलने 2023 मध्ये एकदिवसीय सामन्यात 1000 धावा पूर्ण केल्या आणि युवराज सिंग, एमएस धोनी, राहुल द्रविड यांसारख्या दिग्गजांच्या यादीत सामील झाला.
दरम्यान, केएल राहुलने दुसऱ्या एकदिवसीय सामन्यात 56 धावांची खेळी खेळली. त्याने ही धावसंख्या 64 चेंडूंचा सामना करत 7 चौकारांच्या मदतीने केली. या सामन्यात दक्षिण आफ्रिकेच्या गोलंदाजांनी चांगली कामगिरी करत भारताला केवळ 212 धावांवर रोखले. तथापि, या खेळीच्या जोरावर केएल राहुलने 2023 मध्ये एकदिवसीय सामन्यात 1000 धावा पूर्ण केल्या आणि या वर्षात तो भारतासाठी 1000 धावांचा टप्पा पार करणारा चौथा फलंदाज ठरला. या वर्षाच्या सुरुवातीला शुभमन गिल, विराट कोहली आणि रोहित शर्मा यांनी एकदिवसीय क्रिकेटमध्ये भारतासाठी हा पराक्रम केला आहे.
KL राहुलने या वर्षी एकदिवसीय सामन्यांमध्ये 1000 धावांचा आकडा गाठला आणि एका वर्षात एकदिवसीय सामन्यांमध्ये 1000 धावांचा आकडा गाठणारा भारताचा सहावा मधल्या फळीतील फलंदाज ठरला. केएल राहुलच्या आधी, भारताकडून मधल्या फळीतील फलंदाज म्हणून एका वर्षात 1000 किंवा त्याहून अधिक धावा करणारे फलंदाज युवराज सिंग, एमएस धोनी, मोहम्मद अझरुद्दीन, अजय जडेजा आणि राहुल द्रविड होते. इतकंच नाही तर मधल्या फळीत एका वर्षात सर्वाधिक धावा करणाऱ्या भारतीय फलंदाजांच्या यादीत राहुल आता तो पाचव्या स्थानावर पोहोचला. त्याने यामध्ये राहुल द्रविड मागे सोडले.
1107 धावा – युवराज सिंग (2007)
1097 धावा – एमएस धोनी (2008)
1079 धावा – मोहम्मद. अझरुद्दीन (1997)
1047 धावा – अजय जडेजा (1999)
1039 धावा – केएल राहुल (2023)
1025 धावा – राहुल द्रविड (2004)
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.