Senior Women's T20 Trophy 2023-24: सीनियर महिला टी-२० क्रिकेट स्पर्धेत गोव्याला गुरुवारी ड गटात अपेक्षित सुरवात करता आली नाही. हिमाचल प्रदेशने त्यांना २६ धावांनी हरविले. सामना नागपूर येथील लेडी अमृताबाई डागा महाविद्यालय मैदानावर झाला.

हिमाचल प्रदेशने प्रथम फलंदाजी करताना ५ बाद १४४ धावा केल्या. कर्णधार हरलीन देवल (४८) व निकिता चौहान (४१) यांनी दुसऱ्या विकेटसाठी केलेल्या ७३ धावांच्या भागीदारीमुळे त्यांना सावरता आले. उत्तरादाखल गोव्याला ९ बाद ११८ धावांची मजल मारता आली. गोव्याच्या तिघीजणी धावबाद झाल्या.

संक्षिप्त धावफलक:

हिमाचल प्रदेश ः २० षटकांत ५ बाद १४४ (निकिता चौहान ४१, हरलीन देवल ४८, सोनल ठाकूर नाबाद २५, शिखा पांडे ४-०-२५-१, निकिता मळीक २-०-८-०, प्रियांका कौशल ३-०-२०-०, पूर्वा भाईडकर ३-०-२४-०, तरन्नुम पठाण १-०-१८-०, सुनंदा येत्रेकर ३-०-१८-०, तनया नाईक ४-०-३१-३) वि

वि. गोवा: २० षटकांत ९ बाद ११८ (पूर्वजा वेर्लेकर १९, तरन्नुम पठाण ३१, संजुला नाईक २४, शिखा पांडे ५, तेजस्विनी दुर्गड २, सुनंदा येत्रेकर ५, विनवी गुरव १७, पूर्वा भाईडकर ५, निकिता मळीक ५, तनया नाईक नाबाद ०, प्रियांका कौशल नाबाद ०, सुश्मिता कुमारी २-२६).