Vijay Merchant Trophy, Goa vs Haryana U16:

गोव्याचे फलंदाजीतील अपयश कायम राहिल्यामुळे विजय मर्चंट करंडक 16 वर्षांखालील क्रिकेट स्पर्धेत रविवारी (17 डिसेंबर) सलग दुसऱ्या पराभवास सामोरे जावे लागले.

हरियाणाने डाव व 148 धावांनी दणदणीत विजय नोंदवत ‘ब’ गटात अव्वल स्थानही मिळविले. तीन दिवसीय सामना दुसऱ्याच दिवशी संपला.

सुरत येथील सी. के. पिठावाला स्टेडियमवर झालेल्या या लढतीत हरियाणाने 5 बाद 368 धावांवर डाव घोषित करून 284 धावांची आघाडी प्राप्त केली होती. पहिल्या डावात 84 धावांत गारद झालेल्या गोव्याचा दुसरा डाव 136 धावांत संपला.

हरियाणाला या लढतीत बोनस गुणही मिळाला. त्यांचा हा दुसरा विजय असून चार लढतीनंतर 20 गुण झाले आहेत. दुसऱ्या पराभवामुळे गोव्याचे चार लढतीनंतर सात गुण कायम राहिले.

संक्षिप्त धावफलक

गोवा, पहिला डाव: 84

हरियाणा, पहिला डाव (2 बाद 209 वरून): 96 षटकांत 5 बाद 368 घोषित (लक्षय नागर 91, करण शोरन 47, प्रिक्षित राठी नाबाद 61, समर्थ राणे 17-3-60-1, शमिक कामत 13-1-49-0, संचित नाईक 22-0-99-1, द्विज पालयेकर 22-0-80-1, जय कांगुरी 14-4-39-1, आराध्य गोयल 6-0-29-1, चिगुरुपती व्यंकट 2-0-9-0).

गोवा, दुसरा डाव : 51 षटकांत सर्वबाद 136 (आशुतोष तेंबकर 0, स्वप्नेश नाईक 0, द्विज पालयेकर 31, आराध्य गोयल 48, प्रद्युम्न अटपडकर 21, चिगुरुपती व्यंकट 5, साई नाईक 29, शमिक कामत 1, समर्थ राणे नाबाद 0, जय कांगुरी 0, संचित नाईक 0, तन्मय बलोडा 44-3, करण शोरन 3-3).