गोवा आणि केरळ (Goa Vs Kerala) विरूद्ध सुरू असलेल्या रणजी सामन्यात गोव्याने केरळवर दणदणीत विजय मिळवला आहे. केरळने दिलेल्या 156 धावांचे आव्हान गोव्याने 48.3 षटकात पूर्ण केले. सात गडी राखून गोव्याने विजय आपल्या नावे केला आहे.

(Goa beat Kerala In Ranji Trophy)

दुसऱ्या डावात केरळला केवळ 200 धावांत गुंडाळण्यात गोव्याचा संघ यशस्वी झाला. त्यानंतर गोव्याला विजयासाठी 156 धावांचे आव्हान मिळाले. केरळने दिलेल्या आव्हानाचा पाठलाग करण्यासाठी मैदानात उतरलेल्या गोव्याच्या संघाने तीन गड्यांच्या बदल्यात लक्ष गाठले. ईशान गडेकर आणि सिद्धेश लाड या दोघांनी गोव्याला विजय मिळवून दिला. ईशान गडेकरने नाबाद (67) आणि सिद्धेश लाड नाबाद (33) धावांचे योगदान दिले.

संक्षिप्त धावफलक

केरळ पहिला डाव - 265 / 10

गोवा पहिला डाव - 311 / 10

केरळ दुसरा डाव - 200 / 10

गोवा दुसरा डाव - 157 / 3

(गोव्याचा सात गडी राखून विजय)