युरो कपच्या (Euro Cup) दुसऱ्या उपांत्य सामन्यात इंग्लंडने (England) डेन्मार्कचा (Denmark) 2-1 असा पराभव करत आणि नशिबाच्या जोरावर अंतिम सामन्यात प्रवेश केला आहे. इंग्लंडने तब्बल 55 वर्षांनी युरोच्या अंतिम सामन्यात प्रवेश केला आहे. या आधी इंग्लंडने 1966 मध्ये युरो कपच्या अंतिम सामन्यात प्रवेश केला होता.

या समन्यात पहिल्या हाफमध्ये डेन्मार्कच्या मिक्केल डेम्सगार्डच्या जबरदस्त फ्रि-किकवर गोलचे खाते उघडले. पण त्यांचा हा आनंद जास्त काळ टिकून राहू शकला नाही. पुढच्या नऊच मिनिटांत इंग्लंचा कर्णधार केनने एक सुरेख चाल खेळत त्यात डेन्मार्कचा कर्णधार फसला आणि त्याच्या गुडघ्याला लागून चेंडू डेन्मार्कच्याच गोलपोस्ट मध्ये गेला आणि इंग्लंडने 1-1 अशी बरोबरी साधली.

सामन्यातील 90 मिनिटापर्यंत ही बरोबरी तशीच राहिली त्यानंतर अतिरक्त वेळात 103 व्या मिनिटाला इंग्लंडला पेनल्टी मिळाली. त्यावेळी डेन्मार्कच्या खेळाडूंनी वार ची मागणी केली परंतू ती देखील त्यांच्या विरोधात गेली. केनने या संधीचा फयदा घेतला, पण यात देखील डेन्मार्कचा गोलरक्षक कॅम्पर याने केनने मारलेली पेनल्टी किक आडविली, पण त्याला चेंडूवर नियंत्रण ठेवता आले नाही. त्यामुळे चेंडू त्याच्या हाताला लागून पुन्हा केनच्या पायासमोर आला आणि त्या चेंडूला केनने दिशा देत गोल केला आणि इंग्लंडचा विजय निश्चित झाला.

...आता अॅडव्हान्टेज इंग्लंड

युरो कपचा अंतिम सामना इंग्लंड विरुध्द इटली यांच्यात रविवारी रंगणार आहे. हा सामना लंडनमधील वेम्बले येथेच होणार असल्याने घरच्या मैदानावर इंग्लंडला फेव्हरेट समजले जात आहे.