Asia Cup 2023: बांगलादेशचा वेगवान गोलंदाज इबादत हुसेन मंगळवारी गेल्या महिन्यात अफगाणिस्तानविरुद्धच्या वनडे मालिकेदरम्यान गुडघ्याच्या दुखापतीमुळे आगामी आशिया चषक स्पर्धेतून बाहेर पडला.

इबादतचा 10 दिवसांपूर्वी आशिया चषक स्पर्धेसाठी 17 जणांच्या संघात समावेश करण्यात आला होता, पण तो निर्धारित वेळेत दुखापतीतून सावरण्यात अपयशी ठरला होता.

दरम्यान, इबादतच्या जागी 20 वर्षीय अनकॅप्ड वेगवान गोलंदाज तंजीम हसनचा बांगलादेश संघात समावेश करण्यात आला आहे.

5 ऑक्टोबरपासून भारतात (India) होणाऱ्या एकदिवसीय विश्वचषकासाठी 29 वर्षीय खेळाडू वेळेत तंदुरुस्त होईल की नाही हे पाहणे बाकी आहे.

'ESPNcricinfo' ने बांगलादेश (Bangladesh) क्रिकेट बोर्डाचे मुख्य चिकित्सक डॉ देवाशिष चौधरी यांच्या हवाल्याने म्हटले आहे की, "इबादत सहा आठवड्यांपासून रिहॅबिलिटेशनमध्ये आहे. यादरम्यान आम्ही त्याचे अनेक वेळा एमआरआय केले पण तो दुखापतीतून पूर्णपणे बरा होऊ शकला नाही.

आशिया चषक 2023 साठी बांगलादेशचा संघ: शकीब अल हसन (कर्णधार), लिटन दास, नजमुल हुसेन शांतो, तौहिद हृदोय, मुशफिकुर रहीम, अफिफ हुसेन, मेहदी हसन मिराज, तस्किन अहमद, हसन महमूद, मुस्तफिजुर रहमान, शरीफुल इस्लाम, नसुम अहमद, नसुम अहमद हसन मोहम्मद नईम, शमीम हुसेन, तनजीद हसन आणि तंजीम हसन.