India Vs South Africa Odi Series: T20 विश्वचषक 2022 (T20 World Cup 2022) आणि दक्षिण आफ्रिकेविरुद्ध खेळल्या जाणाऱ्या T20 मालिकेदरम्यान टीम इंडियाला आणखी एक मोठा धक्का बसला आहे. जसप्रीत बुमराह आणि रवींद्र जडेजा यांच्यानंतर टीम इंडियाचा आणखी एक खेळाडू जखमी झाला आहे. या खेळाडूने नुकतीच चांगली कामगिरी केली आहे. टी-20 विश्वचषकाच्या संघात समावेश होण्यासाठी तो मोठा दावेदार मानला जात होता. या खेळाडूची दुखापत भारतीय संघासाठी मोठा धक्का मानला जात आहे.

टीम इंडियाचा हा खेळाडू जखमी झाला

लखनौमध्ये दक्षिण आफ्रिकेविरुद्धच्या (South Africa) पहिल्या सामन्यापूर्वी सराव सत्रादरम्यान वेगवान गोलंदाज दीपक चहरच्या घोट्याला दुखापत झाली. त्यामुळे मालिकेतील उर्वरित दोन सामन्यांमध्ये तो खेळण्याची शक्यता कमी आहे. पहिल्या वनडे सामन्यात दक्षिण आफ्रिकेविरुद्ध नऊ धावांनी पराभूत झालेल्या भारतीय संघाच्या प्लेइंग इलेव्हनमध्ये दीपक चहरचा (Deepak Chahar) समावेश नव्हता.

संघ व्यवस्थापन अंतिम निर्णय घेईल

सूत्राने सांगितले की, “दीपक चहरला खेळवण्याचा धोका पत्करायचा की नाही हा निर्णय संघ व्यवस्थापनाचा असेल कारण तो टी-20 विश्वचषकासाठी (T-20 World Cup) स्टँडबाय खेळाडूंपैकी एक आहे. पण गरज भासल्यास त्याला प्राधान्य दिले जाईल. सध्या, जसप्रीत बुमराहच्या जागी मोहम्मद शमीला T20 विश्वचषक संघात स्थान देण्यात येणार आहे. येत्या तीन ते चार दिवसांत तो ऑस्ट्रेलियाला रवाना होईल अशी अपेक्षा आहे.''