Commonwealth Games 2022 India: कॉमनवेल्थ गेम्स 2022 च्या सहाव्या दिवशी भारताने कॅनडाविरुद्ध शानदार प्रदर्शन करत पुरुष हॉकी स्पर्धा जिंकली. टीम इंडियाने हा सामना 8-0 ने जिंकला. भारताकडून हरमनप्रीतने दोन गोल केले. तर अमित, ललित उपाध्याय, गुरजंत आणि मनदीप यांनी प्रत्येकी एक गोल केला. आणि आकाशदीपने दोन गोल केले.

मनप्रीत सिंगच्या नेतृत्वाखाली भारतीय संघाने पहिल्या क्वार्टरपासूनच दबाव कायम ठेवत कॅनडाविरुद्ध सामना खेळण्यासाठी सज्ज झाला. भारताने सातत्याने चांगली कामगिरी केली. उपकर्णधार हरमनप्रीतने संघासाठी दोन गोल केले. तर आकाशदीप सिंगनेही दोन गोल केले. याशिवाय ललित उपाध्यायने चमकदार कामगिरी करताना एक गोल केला. तर अमित रोहिदासने एक गोल केला. (Commonwealth Games 2022 India)

राष्ट्रकूल स्पर्धेत भारत पदक यादीत सहाव्या स्थानावर आहे. आतापर्यंत टीम इंडियाने 5 सुवर्णपदके जिंकली आहेत. त्याचबरोबर 5 रौप्य आणि 4 कांस्य पदकेही जिंकली आहेत. कॉमनवेल्थ गेम्स 2022 मध्ये ऑस्ट्रेलियाने आतापर्यंत सर्वाधिक पदके जिंकली आहेत. म्हणजे एकूण 106 पदके जिंकली आहेत. यामध्ये 42 सुवर्णपदक आणि 32-32 रौप्य आणि कांस्य पदकांचा समावेश आहे. तर इंग्लंड 86 पदकांसह दुसऱ्या स्थानावर आहे. न्यूझीलंड 26 पदके जिंकून तिसऱ्या स्थानावर आहे.