BWF वर्ल्ड चॅम्पियनशिप 2021 मध्ये भारताला मोठा धक्का बसला आहे. स्टार शटलर पीव्ही सिंधू उपांत्यपूर्व फेरीतील सामना गमावल्यानंतर स्पर्धेबाहेर झाली आहे, पीव्ही सिंधूचा जागतिक क्रमवारीत अव्वल क्रमांकाची बॅडमिंटनपटू ताई त्झू यिंगने पराभव केला. 42 मिनिटे चाललेल्या या सामन्यात पीव्ही सिंधूचा 17-21, 13-21 असा पराभव झाला.

पीव्ही सिंधूचा चायनीज तैपेईच्या ताई त्झू यिंगविरुद्धचा हा सलग पाचवा पराभव आहे. या दोघीमध्ये आतापर्यंत 20 सामने झाले असून त्यापैकी पीव्ही सिंधूला (PV Sindhu) पराभवाला सामोरे जावे लागले आहे. टोकियो ऑलिम्पिक (Tokyo Olympics) -2020 मध्ये, पीव्ही सिंधूला ताई त्झू यिंगने उपांत्य फेरीत पराभूत केले. पीव्ही सिंधूने गेल्या वेळी ही स्पर्धा जिंकली होती. अशा स्थितीत जागतिक एकेरी गटातील सहावे पदक जिंकण्यापासून ती मुकली. या सामन्यात पीव्ही सिंधू मागे पडताना दिसली. पीव्ही सिंधूला सामन्यात अनेक वेळा कोर्ट कव्हर करण्यात, ड्रॉप शॉट्समध्ये अडचणी आल्या. पीव्ही सिंधू ही जगातील सातव्या क्रमांकाची खेळाडू असून तिने दोनदा ऑलिम्पिक (Olympics) पदक जिंकले आहे. पीव्ही सिंधूने 2019 च्या वर्ल्ड चॅम्पियनशिपमध्ये ताई त्झूचा पराभव केला होता.