BCCI announces Schedule of India Men's Cricket Team for International Home Season 2023-24:
भारतीय क्रिकेट नियामक मंडळाने मंगळवारी (25 जुलै) भारतीय पुरुष संघाच्या 2023-24 हंगामातील मायदेशातील सामन्यांचे वेळापत्रक घोषित केले आहे. भारतीय क्रिकेट संघ या हंगामात बराच व्यस्त राहाणार आहे.
बीसीसीआयने दिलेल्या माहितीनुसार भारतीय पुरुष क्रिकेट संघ या एका वर्षाच्या हंगामात भारतात एकूण 16 द्विपक्षीय आंतरराष्ट्रीय सामने खेळणार आहे. यामध्ये 5 कसोटी, 3 वनडे आणि 8 टी20 सामन्यांचा समावेश आहे. तसेच वनडे वर्ल्डकपचाही समावेश आहे.
अमिताभ विजयवर्गीय, जयेंद्र सहगल आणि हरी नारायण पुजारी यांचा समावेश असलेल्या बीसीसीआयच्या टूर्स, फिक्स्चर्स आणि टेक्निकल कमिटीने रोटेशन पद्धतीनुसार सामन्यांची ठिकाणे निश्चित केली आहेत.
भारताचा मायदेशातील हा हंगाम वर्ल्डकप 2023 स्पर्धेच्या पूर्वी ऑस्ट्रेलियाविरुद्ध होणाऱ्या तीन सामन्यांच्या वनडे मालिकेने सुरु होईल. या वनडे मालिकेतील सामने मोहाली, इंदूर आणि राजकोट येथे होणार आहेत.
त्यानंतर भारतात वनडे वर्ल्डकप 5 ऑक्टोबर ते 19 नोव्हेंबर दरम्यान खेळवला जाईल. यानंतर पुन्हा ऑस्ट्रेलियाविरुद्ध भारतीय संघ 5 सामन्यांची टी20 मालिका खेळणार आहे.
यानंतर भारतात पुढच्यावर्षी म्हणजेच 2024 मध्ये सामने सुरू होतील. नवीन वर्षात भारतीय संघ मायदेशात सर्वात आधी अफगाणिस्तानविरुद्ध सामने खेळणार आहे. भारत आणि अफगाणिस्तान यांच्यात 3 सामन्यांची टी20 मालिका होईल.
त्यानंतर पुढच्यावर्षी जानेवारीमध्ये इंग्लंडचा संघ भारत दौरा करणार असून या दौऱ्यात 5 कसोटी सामन्यांची मालिका खेळली जाणार आहे. या मालिकेतील सामने अनुक्रमे हैदराबाद, विशाखापट्टणम, राजकोट, रांची आणि धरमशाला येथे खेळवले जाणार आहेत.
वनडे मालिका (भारत विरुद्ध ऑस्ट्रेलिया)
22 सप्टेंबर - पहिला सामना, मोहाली (वेळ - दु. 1.30 वाजता)
24 सप्टेंबर - दुसरा सामना, इंदूर (वेळ - दु. 1.30 वाजता)
27 सप्टेंबर - तिसरा सामना,राजकोट (वेळ - दु. 1.30 वाजता)
5 ऑक्टोबर - 19 नोव्हेंबर
टी20 मालिका (भारत विरुद्ध ऑस्ट्रेलिया)
23 नोव्हेंबर - पहिला सामना, विशाखापट्टणम (वेळ - संध्या. 7 वाजता)
26 नोव्हेंबर - दुसरा सामना, तिरुअनंतपुरम (वेळ - संध्या. 7 वाजता)
28 नोव्हेंबर - तिसरा सामना, गुवाहाटी (वेळ - संध्या. 7 वाजता)
1 डिसेंबर - चौथा सामना, नागपूर (वेळ - संध्या. 7 वाजता)
3 डिसेंबर - पाचवा सामना, हैदराबाद (वेळ - संध्या. 7 वाजता)
टी20 मालिका (भारत विरुद्ध अफगाणिस्तान) (वेळ अद्याप निश्चित नाही)
11 जानेवारी - पहिला सामना, मोहाली
14 जानेवारी - दुसरा सामना, इंदूर
17 जानेवारी - तिसरा सामना, बंगळुरू
कसोटी मालिका (भारत विरुद्ध इंग्लंड) (वेळ अद्याप निश्चित नाही)
25 - 29 जानेवारी - पहिला सामना, हैदराबाद
2 - 6 फेब्रुवारी - दुसरा सामना, विशाखापट्टणम
15 - 19 फेब्रुवारी - तिसरा सामना, राजकोट
23 - 27 फेब्रुवारी - चौथा सामना, रांची
7 ते 11 मार्च - पाचवा सामना, धरमशाला
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.