Team India Star Batsman Virat Kohli: टीम इंडियाचा स्टार फलंदाज विराट कोहलीला ट्रोल करण्याची बर्मी-आर्मी एकही संधी सोडत नाही. विराटने आंतरराष्ट्रीय शतक झळकावून 1000 दिवस झाले आहेत. यातच बर्मी आर्मीने याबद्दल ट्विट करुन विराटला ट्रोल करण्याचा प्रयत्न केला, परंतु विराटच्या चाहत्यांनी त्यांना योग्य ती जागा दाखवून दिली. विराटने एकूण 70 आंतरराष्ट्रीय शतके झळकावली आहेत. तर सर्वाधिक आंतरराष्ट्रीय शतकांच्या बाबतीत फक्त दोनच फलंदाज त्याच्या पुढे आहेत, एक मास्टर ब्लास्टर सचिन तेंडुलकर आणि दुसरा ऑस्ट्रेलियाचा माजी कर्णधार रिकी पाँटिंग.

दरम्यान, सचिनने 100 आंतरराष्ट्रीय शतके झळकावली आहेत, तर पाँटिंगच्या खात्यात 71 आंतरराष्ट्रीय शतके आहेत. बर्मी-आर्मीने ट्विट करत म्हटले की, '1000 दिवस' यावरुन चाहत्यांना लगेच समजले की, हे ट्विट विराटला उद्देशून करण्यात आले होते. मग काय, यानंतर चाहत्यांनी बर्मी-आर्मीचा बँड वाजवला.

दुसरीकडे, एका ट्विटर युजरने लिहिले, 3532 दिवस झाले, इंग्लंडने (England) भारताविरुद्ध भारतामध्ये (India) कोणत्याही फॉरमॅटमध्ये मालिका जिंकलेली नाही. एका चाहत्याने लिहिले, ब्रिटनच्या राणीने एकही चॅम्पियन्स ट्रॉफी जिंकलेली नाही. आणखी एका चाहत्याने आठवण करुन दिली की, विराटच्या खात्यात 70 शतके आहेत आणि फक्त दोनच फलंदाज त्याच्या पुढे आहेत. तरीही तो निवृत्त झाला तर किती फलंदाज त्याच्या जवळ पोहोचू शकतात?