Badminton: बंगळूर येथील प्रकाश पदुकोण बॅडमिंटन अकादमीतर्फे घेण्यात आलेल्या इंटरनॅशनल चॅलेंज बॅडमिंटन (International Challenge Badminton) स्पर्धेत गोव्याच्या तनिशा क्रास्टो (Tanisha Crasto) हिने दुहेरीत यश मिळविले. तिने मिश्र दुहेरीत छत्तीसगडचा ईशान भटनागर (Ishan Bhatnagar) याच्यासमवेत विजेतेपद, तर महिला दुहेरीत ओडिशाची ऋतुपर्णा पांडा हिच्यासमवेत उपविजेतेपद प्राप्त केले. तनिशाने हल्लीच सीनियर पातळीवर भारताचे सुदिरमन कप, तसेच थॉमस-उबेर कप स्पर्धेत प्रतिनिधित्व केले होते. ती सध्याची राष्ट्रीय मिश्र दुहेरीतील विजेती आहेत.

बंगळूरमधील स्पर्धेतील अंतिम लढती रविवारी झाल्या. मिश्र दुहेरीच्या अंतिम लढतीत तनिशा व ईशान जोडीने भारताच्याच के. साई प्रणित व गायत्री गोपीचंद पुल्लेला जोडीवर 21-16, 21-19 फरकाने मात केली. महिला दुहेरीतील अंतिम लढतीत तनिशा व ऋतुरपर्णा जोडीस ट्रिसा जॉली व गायत्री गोपीचंद पुल्लेला जोडीकडून 23-21, 21-14 फरकाने हार पत्करावी लागली. पुरुष एकेरीत प्रियांशू राजावत याने, तर महिला एकेरीत अनुपमा उपाध्याय यांनी विजेतेपद प्राप्त केले.