FIFA Women World Cup: ऑस्ट्रेलियाने शनिवारी पेनल्टी शूटआऊटमध्ये फ्रान्सचा पराभव करुन पहिल्यांदाच महिला विश्वचषकाच्या उपांत्य फेरीत धडक मारली. निर्धारित वेळ आणि अतिरिक्त वेळेनंतर दोन्ही संघ बरोबरीत होते.

त्यानंतर पेनल्टी शूटआऊटचा अवलंब करण्यात आला. कॉर्टनी वाइनने तिच्या दहाव्या पेनल्टीचे रुपांतर करुन ऑस्ट्रेलियाला उपांत्यपूर्व फेरीतील रोमांचक सामन्यात 7-6 असा शूटआऊट विजय मिळवून दिला.

दरम्यान, ऑस्ट्रेलियाने (Australia) दोनदा शूटआऊटची संधी गमावली. महिला विश्वचषक स्पर्धेत उपांत्यपूर्व फेरीपर्यंत मजल मारणारा ऑस्ट्रेलिया हा युनायटेड स्टेट्सनंतरचा दुसरा यजमान संघ ठरला आहे. ऑस्ट्रेलिया बुधवारी सिडनी येथे उपांत्यपूर्व फेरीत इंग्लंड (England) आणि कोलंबिया यांच्यातील उपांत्यपूर्व फेरीतील विजेत्याशी खेळेल..

दुसरीकडे, ऑस्ट्रेलियाच्या विजयाचा हिरो गोलरक्षक मॅकेन्झी अरनॉल्ड ठरली, जिने अतिरिक्त वेळेत आणि त्यानंतरच्या शूटआऊटमध्ये उत्कृष्ट बचाव केला. शूटआऊटमध्ये ती पेनल्टी घेण्यासाठीही आली असली तरी गोल करण्यात तिला अपयश आले.

मॅकेन्झीने गोल केला असता तर त्याचवेळी ऑस्ट्रेलिया जिंकला असता. दोन्ही संघांना निर्धारित वेळेत गोल करण्याच्या संधी मिळाल्या. सॅम केरनेही ऑस्ट्रेलियासाठी शानदार प्रदर्शन केले, परंतु एकाही संघाला गोल करता आला नाही.

तसेच, ऑस्ट्रेलियन बचावपटू अलाना केनेडीने हेडरसह स्वत:चा गोल केल्यावर फ्रेंच संघाने अतिरिक्त वेळेत आनंद साजरा करण्यास सुरुवात केली, परंतु रेफ्री मारिया कार्वाजलने लगेचच तिला बाद ठरवले.