Ashes Series 2023: इंग्लंड आणि ऑस्ट्रेलिया यांच्यात खेळल्या जात असलेल्या ऍशेस मालिकेतील चौथ्या सामन्यात हॅरी ब्रूकने पहिल्या डावात 100 चेंडू खेळून 61 धावा केल्या. या खेळीच्या जोरावर ब्रूकने इतिहास रचला आहे. तो इंग्लंडसाठी 18 कसोटी डावांनंतर सर्वाधिक धावा करणारा फलंदाज ठरला आहे. यामध्ये त्याने अँड्र्यू स्ट्रॉसला मागे टाकले आहे.
मधल्या फळीतील फलंदाज हॅरी ब्रूक कसोटीत इंग्लंडसाठी (England) आश्चर्यकारक कामगिरी करत आहे. वयाच्या 24 व्या वर्षी त्याने 18 डावात 64.06 च्या स्ट्राईक रेटने 1089 धावा केल्या आहेत. विशेष म्हणजे, ब्रूकच्या नावावर चार शतके आणि सहा अर्धशतके आहेत.
हॅरी ब्रूक - 1089
अँड्र्यू स्ट्रॉस - 971
अॅलिस्टर कुक - 815
जोनाथन ट्रॉट - 815
केविन पीटरसन - 776
इयान बेल - 689
जो रुट - 682
जॅक क्रॉली - 669
बेन स्टोक्स - 648
पॉल कॉलिंगवुड - 643
हॅरी ब्रूकची क्रिकेट कारकीर्द अजून लहान आहे. त्याने आतापर्यंत इंग्लंडसाठी एकूण 34 सामने खेळले आहेत. ब्रूकने 38 डावात 1547 धावा केल्या. ब्रूकने कसोटी क्रिकेटमध्ये (Test Cricket) 1089, एकदिवसीय क्रिकेटमध्ये 86 आणि T20 आंतरराष्ट्रीय क्रिकेटमध्ये 372 धावा केल्या आहेत. या खेळाडूला इंग्लंडचे भविष्य म्हटले जात आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.