भारत आणि वेस्ट इंडिज यांच्यातील 3 सामन्यांच्या टी-20 मालिकेतील दुसरा सामना शुक्रवारी होणार आहे. पहिला सामना 6 गडी राखून जिंकल्यानंतर टीम इंडियाच्या (Team India) नजरा दुसरा सामना जिंकून मालिका काबीज करण्यावर असतील. त्याचबरोबर विंडीजसाठी हा सामना 'करो या मरो' सारखा असेल. (After Winning The Second Match Team India Will Draw With Pakistan)

टीम इंडियाला पाकिस्तानशी सामना करण्याची संधी

भारतीय संघाने सलग 7 टी-20 सामने जिंकले आहेत. जर टीम इंडियाने वेस्ट इंडिजविरुद्धचा (West Indies) दुसरा सामनाही जिंकला तर या फॉरमॅटमधील हा सलग 8वा विजय असणार आहे. T20 आंतरराष्ट्रीय सामन्यांमध्ये सलग सर्वाधिक सामने जिंकण्याचा विश्वविक्रम अफगाणिस्तानच्या (Afghanistan) (12) नावावर आहे. अफगाण संघाशिवाय सहयोगी संघ असणाऱ्या रोमानियानेही सलग 12 सामने जिंकले आहेत.

अफगाणिस्तान (11) देखील तिसऱ्या क्रमांकावर असून चौथ्या क्रमांकावर युगांडाने सलग 11 टी-20 सामने जिंकले आहेत. 2009 मध्ये पाकिस्तानने (Pakistan) सलग 7 टी-20 सामने जिंकले असून भारतही सध्या त्याच दिशेने आपली वाटचाल करत आहे.

भारताने 2017 पासून वेस्ट इंडिजविरुद्ध एकही मालिका गमावलेली नाही

भारताने वेस्ट इंडिजविरुद्धची शेवटची तीन टी-20 मालिका जिंकली आहे. 2017 मध्ये भारतीय भूमीवर झालेल्या T20 मालिकेत वेस्ट इंडिजने टीम इंडियाचा 1-0 असा पराभव केला होता. यानंतर विंडीजला भारताविरुद्ध टी-20 मालिका कधीही जिंकता आली नाही. भारतीय संघाने वेस्ट इंडिजला सलग 3 मालिकांमध्ये पराभूत केले आहे. आणि विशेष म्हणजे सध्याच्या मालिकेसाठी देखील रोहीत टीम विजयाचे दावेदार मानले जात आहेत.

पोलार्डच्या संघासाठी सन्मानाची लढत

या दौऱ्यात वेस्ट इंडिजने आतापर्यंत चार सामने खेळले असून सर्व सामन्यांमध्ये संघाला पराभवाचा सामना करावा लागला आहे. एकदिवसीय मालिकेतही संघ पूर्णपणे विखुरलेला दिसत होता. संघाच्या गोलंदाजांनी वेळोवेळी विकेट्स घेतल्या, परंतु फलंदाजांना आतापर्यंत मोठी धावसंख्या उभारण्यात अपयश आले आहे. विंडीजला मालिकेत पुनरागमन करायचे असेल, तर दुसऱ्या सामन्यात दामदार कामगिरी करावी लागणार आहे.