IPL 2021: कोलकाता नाईट रायडर्सने (Kolkata Knight Riders) अबुधाबी येथे इंडियन प्रीमियर लीग 2021 (IPL) च्या 31 व्या सामन्यात विराट कोहलीच्या (Virat Kohli) रॉयल चॅलेंजर्स बंगळुरूचा (Royal Challengers Bangalore) 9 गडी राखून पराभव केला. वरुण चक्रवर्ती (Varun Chakraborty) आणि आंद्रे रसेल (Andre Russell) यांनी त्यांच्या धारदार गोलंदाजीने RCB चा डाव केवळ 92 धावांवर गुंडाळला. त्यानंतर, केकेआरसाठी, नवोदित फलंदाज व्यंकटेश अय्यरने (Venkatesh Iyer) धमाकेदार फलंदाजी करताना आपल्या संघाच्या विजयात महत्त्वाची भूमिका बजावली.

इंदूरचा रहिवासी असलेल्या या क्रिकेटपटूने केकेआरसाठी पहिल्या सामन्यात 27 चेंडूत नाबाद 41 धावांची खेळी केली, ज्यामध्ये त्याने 7 चौकार आणि एक षटकार मारले. व्यंकटेशने 10 व्या षटकात युझवेंद्र चहलच्या शेवटच्या दोन चेंडूंवर सलग दोन चौकार मारून केकेआरचा विजय साकार केला.

सामना संपल्यानंतर 26 वर्षीय व्यंकटेश आरसीबी आणि टीम इंडियाचा कर्णधार विराट कोहलीसोबत गप्पा मारताना दिसला. केकेआरने आपल्या इंस्टाग्राम हँडलवर या संभाषणाचा व्हिडिओ शेअर केला आहे, ज्यात युवा फलंदाज विराटकडून टिप्स घेताना दिसत आहे.

केकेआरने त्या दोघांची पोस्ट शेअर करत, "ड्रीम डेब्यू + क्रिकेटमधील सर्वोत्तम खेळाडूकडून शिकणे. व्यंकटेश अय्यरसाठी किती छान रात्र होती.

केकेआरचा कर्णधार इयोन मॉर्गननेही व्यंकटेशने त्याच्या पदार्पणाच्या सामन्यात केलेल्या खेळीबद्दल कौतुक केले आहे. केकेआर 9 गुणांच्या विजयासह गुणतालिकेत पाचव्या स्थानावर पोहचला आहे. तर आरसीबीचे गुणतालिकेतील स्थान कायम आहे. RCB सध्या तिसऱ्या स्थानावर आहे. तर केकेआरचा सामना गुरुवारी मुंबई इंडियन्सशी होणार आहे.