Whatsapp New Update: व्हॉट्सअ‍ॅप लवकरच चॅनलला एक नवं अपडेट देणार आहे. कंपनी चॅनलला अ‍ॅडमिनचा पर्याय देणार आहे. यामुळे ग्रुपप्रमाणे आता चॅनलमध्ये वेगवेगळे अॅडमिन तयार करुन अ‍ॅडमिनला चॅनलमध्ये पोस्ट करता येणार आहे.

तसेच लवकरच व्हॉट्सअ‍ॅप निर्मात्यांना चॅनलवर व्हॉईस नोट्स शेअर करण्याचा पर्याय देणार आहे. हे फीचर इंस्टाग्राम ब्रॉडकास्ट चॅनलमध्ये आधीपासूनच आहे. सध्या व्हॉट्सअ‍ॅप चॅनेलमध्ये क्रिएटर मजकूर, प्रतिमा, व्हिडिओ, GIF इत्यादी शेअर करू शकतात.

याबाबतची माहिती व्हॉट्सअ‍ॅपच्या डेव्हलपमेंटवर लक्ष ठेवणाऱ्या Wabetainfo या वेबसाइटने शेअर केली आहे. हा अपडेट सध्या अंडर डेव्हलपमेंट मध्ये असून अँड्रॉइड बीटा वापरकर्त्यांसाठी जारी केला गेला आहे.

या अपडेटद्वारे चॅनलचा अ‍ॅडमिन अन्य क्रिएटर्सला अ‍ॅडमिन बनवून अन्य अ‍ॅडमिन कंटेट शेअर करु शकतात. या फिचरमुळे फ्लैक्सिबिलिटी मिळेल व चॅनलवर सतत कंटेंट पोस्ट करण्यास अ‍ॅडमिनला शक्य होणार आहे.