प्रत्येकाला आपली नोकरी सुरक्षित राहावी आणि पदोन्नतीच्या शिडीवर चढावे असे वाटते. परंतु आपण सर्वतोपरी प्रयत्न करूनही, कधीकधी असे होत नाही.
कारण अनेक वेळा आपल्या कामाच्या ठिकाणाची किंवा ऑफिसची वास्तू खराब होते किंवा आपल्या कामाची दिशा चुकीची असते. यामुळे सर्व कामाचे श्रेय मिळत नाही.
ऑफिसमध्ये जर सकारात्मक ऊर्जा असेल तर प्रत्येक काम चांगले होते. वास्तुचे काही नियम फॉलो केल्यास अपेक्षित यश नक्की मिळेल.
ऑफिसमध्ये प्रशिक्षण घेणाऱ्यांसाठी दक्षिण-पश्चिम हे बसण्यासाठी उत्तम ठिकाण आहे. काहीतरी नवीन शिकण्यासाठी हे सर्वात योग्य आहे. या बाजूला बसून तुमचा परफॉर्मन्स चांगला असेल तर ऑफिसमध्ये या दिशेला बसावे.
ऑफिसच्या कामासाठी उत्तर-पश्चिम दिशेला बसू नका. ऑफिसमध्ये बसण्यासाठी ही दिशा फारशी शुभ मानली जात नाही. ऑफिसच्या उत्तर-पश्चिम दिशेला बसणारे लोक आपल्या कामात फारसे लक्ष देत नसल्याचे दिसून आले आहे. ते त्यांच्या कामात निष्काळजी असतात. ऑफिसच्या या बाजूला बसणारे लोक आपला जास्तीत जास्त वेळ फिरण्यात घालवतात.
ऑफिसमध्ये खुर्ची उत्तर दिशेला ठेवणे चांगले असते. जर तुम्ही उत्तर दिशेला काम करत असाल तर तुम्हाला तुमच्या सर्व कामांमध्ये यश मिळेल. उत्तर दिशेला बसून काम करणारे लोक साहेबांच्या नजरेत सहज येतात. त्यामुळे त्यांना पदोन्नती आणि पगारवाढ सहज मिळते. जर तुम्ही घरून काम करत असाल तर घराच्या उत्तर दिशेला बसून काम करण्याचा प्रयत्न करा.
वास्तूनुसार उत्तर-पूर्व दिशेला काम करणे देखील खूप शुभ असते. विशेषत: कार्यालयातील कोणतीही समस्या सोडवण्याची जबाबदारी तुमची असेल तर उत्तर-पूर्व दिशेला बसा. या दिशेने काम केल्यास कार्यालयातील सर्व समस्या सोडविण्याची क्षमता लक्षणीय वाढेल. तुमची टीम तुम्हाला सर्व निर्णयांमध्ये साथ देईल. तुम्हाला सहकाऱ्यांकडून आवश्यक मदत आणि सहकार्य मिळेल.
(Disclaimer - या लेखात देण्यात आलेली माहिती ही सर्वसामान्य ज्ञानावर आधारित असून अवलंब करण्यापूर्वी तज्ज्ञांचा सल्ला घ्यावा.)
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.