Vastu Tips For Home: कामधेनू ही मूळची स्वर्गात राहणारी दैवी गाय म्हणून ओळखली जाते. हिंदू धर्मग्रंथानुसार कामधेनू तुमच्या सर्व इच्छा पूर्ण करू शकते. म्हणून, वास्तुशास्त्रात संपत्ती आणि आनंद मिळवण्यासाठी घरामध्ये कामधेनूची मूर्ती ठेवणे शुभ मानले जाते.

• कोणत्या दिशेला ठेवावी

कामधेनू गायीची मूर्ती घरी ठेवायची असेल तर ती ईशान्य दिशेला ठेवणे शुभ मानले जाते.. या दिशेला देवी-देवता वास करतात असे वास्तुशास्त्रात सांगितले आहे. तसेच ते सर्वात पवित्र स्थान मानले जाते. कामधेनू गाईची मूर्ती या दिशेला ठेवणे तुमच्यासाठी शुभ राहील.

• पूजा करण्याची योग्य वेळ

कामधेनू गायीची पूजा शुक्रवारी करावी.तसेच देवी लक्ष्मीसोबत तिच्यासाठी होम करावा. शुक्रवार हा माता लक्ष्मीचा दिवस आहे आणि या दिवसाचा स्वामी शुक्र असून प्रमुख देवता लक्ष्मी आहे.

• घरात मूर्ती ठेवण्याचे फायदे कोणते

घरातील ज्या सदस्यांवर कामधेनू गाईची कृपा राहते, त्यांना आर्थिक संकटाचा सामना करावा लागत नाही. कामधेनू गाईमध्ये माता दुर्गा, माता लक्ष्मी आणि देवी सरस्वतीचे गुण आहेत. म्हणून घरात कामधेनूची मूर्ती असणे फायदेशीर मानले जाते.

• सुख-शांती राहते

वास्तुशास्त्रानुसार घरात सुख -शांती कायम राहण्यासाठी कामधेनू गाईची मूर्ती ठेवणे शुभ मानले जाते. तुमच्या घरात जर कलह असेल तर कामधेनू गाईची मूर्ती ठेवावी.

(Disclaimer - या लेखात देण्यात आलेली माहिती ही सर्वसामान्य ज्ञानावर आधारित असून अवलंब करण्यापूर्वी तज्ज्ञांचा सल्ला घ्यावा.)