आपल्या आवडीचे घर मिळणे ही प्रत्येकाच्या आयुष्यातील मोठी इच्छा असते. त्यासाठी आपण भिंतींवर विविध प्रकारची आपल्या आवडीची रंगरंगोटीही करून घेतो. असे म्हटले जाते की वास्तूनुसार, घरी रंग लावल्याने सकारात्मक उर्जेचा प्रवाह वाढतो आणि कुटुंबात आनंद येतो. तुम्हीही नवीन घर बांधत असाल किंवा जुने घर रंगवण्याचा विचार करत असाल तर तुमच्यासाठी कोणता रंग योग्य असेल, हे वास्तूशास्त्रानुसार जाणून घ्या. (Vastu Tips for House Painting)

आकाशी निळा रंग

वास्तूशास्त्रानुसार घरातील खोल्यांच्या रंगासाठी हलका निळा रंग योग्य मानला जातो. हा रंग तुम्ही घराच्या पश्चिम बाजूच्या भिंतीवरही लावू शकता. लक्षात ठेवा, गडद निळा रंग वापरू नका, तर तो आकाशी निळा रंग असावा.

घराचा उत्तरेकडील भाग पाण्याशी संबंधित असल्याचे मानले जाते. वास्तूनुसार उत्तर दिशेच्या भिंतींवर पिस्ता किंवा हिरवा रंग लावल्यास देवी लक्ष्मी प्रसन्न होऊन कुटुंबावर धन-संपत्तीचा वर्षाव करते, अशी मान्यता आहे.

बेडरूममध्ये गुलाबी रंग वापरा

जर आपण बेडरूमबद्दल बोललो तर आपण त्यात गुलाबी आणि आकाशी रंग वापरू शकता. हे दोन्ही रंग सकारात्मक उर्जेचा प्रवाह वाढवतात आणि घरामध्ये जिवंतपणा ठेवतात.

वास्तूनुसार, घराच्या आग्नेय दिशेला पिवळा, गुलाबी किंवा भगवा रंग लावणे शुभ मानले जाते. ही दिशा अग्नीशी संबंधित असल्याचे मानले जाते. त्यामुळे या दिशेला केवळ अग्नीशी संबंधित रंगच वापरावेत.

घराच्या मंदिरात हलका पिवळा रंग शुभ

घराच्या मंदिरात हलका गुलाबी, हलका पिवळा, पांढरा किंवा आकाशी रंग वापरणे चांगले मानले जाते. दुसरीकडे, घराच्या छतासाठी पांढरा रंग सर्वोत्तम मानला जातो.