Vastu Tips For Holi: हिंदू धर्मात होळी सणाला खूप महत्त्व आहे. हिंदू कॅलेंडरनुसार, यावर्षी होळीचा सण 08 मार्च रोजी साजरी केली जाणार आहे. आतापर्यंत तुम्ही दिवाळीच्या स्वच्छतेबद्दल ऐकले असेल. पण तुम्हाला माहिती आहे का की दिवाळीप्रमाणेच होळीमध्येही घराची साफसफाई केली जाते. 

जर तुम्ही ज्योतिषशास्त्रावर विश्वास ठेवत असाल तर होळीच्या आधी घरात पडलेल्या काही निरुपयोगी वस्तू घरा बाहेर काढल्यास घरातील नकारात्मकता दूर होऊन घरात देवी लक्ष्मी वास करते. 

• तुटलेला आरसा किंवा बंद घड्याळ
  जर तुमच्या घरात तुटलेला आरसा किंवा बंद घड्याळ असेल तर होळीपुर्वी काढून टाका. कारण तुटलेला आरसा आणि बंद घड्याळ हे दुर्दैवाचे प्रतीक मानले जाते. यामुळे घरात नकारात्मक ऊर्जा वास करते.

• तुटलेली मूर्ती
  जर तुमच्या घरात तुटलेली मूर्ती पडली असेल तर ती ताबडतोब घराबाहेर काढावी. ही मूर्ती पवित्र तलाव, विहीर किंवा नदीच्या वाहत्या पाण्यात वाहावी. अन्यथा घरामध्ये (Home) वास्तुदोष निर्माण होतील आणि तुम्हाला समस्यांना सामोरे जावे लागेल. 

• फाटलेले जुने शूज आणि कपडे
  तुमच्या घरात फाटलेले जुने जोडे आणि चप्पल, जे वापरात नाहीत, तर ते ताबडतोब घराबाहेर फेकून द्या. कारण या गोष्टी राहू-केतूचे कारक आहेत. जे त्यांचे नकारात्मक परिणाम दर्शवतात.

• खराब इलेक्ट्रॉनिक वस्तू
  जर तुमच्या घरात जुन्या खराब इलेक्ट्रॉनिक वस्तू ठेवल्या असतील, ज्याचा वापर होत नसेल तर त्यांना घराबाहेर काढा. कारण अशा गोष्टींमुळे घरात वास्तुदोष निर्माण होतो.

• घराची साफसफाई
  जर तुमच्या घरात अशा काही गोष्टी असतील, ज्यामुळे तुमचे घर अस्वच्छ किंवा रद्दीसारखे दिसत असेल तर अशा वस्तू घरातून काढून टाका. अन्यथा घरामध्ये नकारात्मक परिणाम दिसतात.