Tri Color Dhokla Recipe For Independence Day: दरवर्षी १५ ऑगस्ट हा दिवस स्वातंत्र्यदिन म्हणून साजरा केला जातो. या दिवशी देशभरात विविध कार्यक्रमांचे आयोजन केले जाते.

तर अनेक लोकांना सुट्टी असते. हा खास बनवण्यासाठी तुम्ही घरीच तिरंगा ढोकळा बनवू शकता. ही रेसिपी बनवायला सोपी आहे. चला तर मग जाणून घेऊया तिरंगा ढोकळा कसा बनवायचा.

• तिरंगा ढोकळा बनवण्यासाठी लागणारे साहित्य

3 कप ढोकळा पीठ

1/4 कप पालक प्युरी

2 हिरव्या मिरच्या

1 आल्याचा तुकडा

1 टेबलस्पून गाजर प्युरी

1/4 चमचा काश्मिरी लाल तिखट

1 टीस्पून तेल

2 टीस्पून नारळ पावडर

1 टीस्पून बारीक चिरलेली कोथिंबीर

कृती

तिरंगा ढोकळा बनवण्याची सर्वात पहिले ढोकळ्याचे पीठ तीन वेगवेगळ्या भांड्यांमध्ये ठेवावे. त्यांना तीन समान भागांमध्ये वेगळे ठेवावे.

• केशरी ढोकळा

तिरंगा ढोकळा बनवण्यासाठी सर्वात पहिले केशर ढोकळ्याचा थर तयार करावा लागेल. यासाठी गाजर प्युरी आणि काश्मिरी लाल मिरची पिठात घालून मिक्स करावे.

पीठ तयार झाल्यावर तेल लावून ढोकळा बनवण्यासाठी प्लेटमध्ये ठेवावे. आता हे पिठ तयार होण्यासाठी गॅसवर ठेवावे. शिजल्यावर ते बाहेर काढून वेगळे ठेवावे.

• पांढरा ढोकळा

पांढरा ढोकळा बनवण्यासाठी तुम्हाला साधे पीठ ढोकळा साच्यात ओतून गॅसवर ठेवावे लागेल.ते शिजल्यावर ते बाहेर काढून वेगळे ठेवावे.

• हिरवा ढोकळा

तिरंगा ढोकळ्याचा शेवटचा थर बनवण्यासाठी एका भांड्यात पालक प्युरी आणि आले मिरचीची पेस्ट टाका आणि चांगले मिक्स करावे. आता ते ढोकळा साच्यात घालून शिजवून घ्यावे. शिजल्यावर बाहेर काढून बाजूला ठेवा.

नंतर एका कढईमध्ये तेल गरम करून त्यात मोहरी,कढीपत्ता आणि पांढरे तिळ टाकून तडका तयार करून घ्यावा. यानंतर एका प्लेटमध्ये तळाशी केशरी ढोकळा, त्यानंतर पांढरा आणि शेवटी हिरवा ढोकळा ठेवावा.

आता तयार केलेला तडका ढोकळ्यावर टाकावा. वरून कोथिंबीर टाकून सजवून चटणीबरोबर सर्व्ह करू शकता.